فعلا انا استغرب من بعض الأمهات اللي بملء إرادتها تجدع عيالها على ابوهم بحجة انها بتعيش وتشوف حياتها

ياقوي قلوبهم .. أنا طليقي خذ عيالي غصب عني وحاولت يرجعون لي بس مافيه امل فيه ومن راحوا عيالي عني والدنيا متغيرة علي الحمد لله على ما قضى وقدر

الله يصلحهم ويهديهم ويحفظهم ويجعلهم بارين بي يردهم لي ردا جميلا ..

احلا انسانه ليش ماتشتكينه في المحكمه دامك مومتزوجه ترى البنت في حضانتك حسبي الله ونعم الوكيل في كل ظالم
انا بنتي معي وياخذها ابوها زياره بالوقت الي يبي مثلا بعد اسبوعين او بعد ثلاث اسابيع ياخذها بعد المغرب ويرجعها عشر او 11 وفي رمضان ياخذها بعد التراويح ويرجعها الساعه وحده
يلعب معها ويشري لها ألعاب واحيانا اذا انا معزومه او بروح اتقضى ارسل له يجي ياخذها ومرة اخذها قبل رمضان من بعد المغرب وجت الساعه 12 ونص ماجاء وارسلت له قال بجيبها بعد نص ساعه مبسوطين ومدري ايش وانجنيت جلست ابكي بالحوش انتظرها وارسلت له قلت والله اني ابكي جبها ماقدر اصبر نص ساعه قال طيب وجابها بغيت اموت حسيت ان لي سنه عنها 
الله لايفرقني انا وبنتي تكفون قولوا اميييين

ابوي اخواني رافضين عيالي يادوب البنات الى ان يكبرو ومصيرهم لاخوانهم
يقولو اهلي انت شغاله تربينهم ويكبرون وياخذهم باردة مبرده
وما يندرى يبرون فيك عاد من زين النفقة وانا اللي كنت اصرف عليه وعلى عياله وبيته الاثاث ووو
وبصراحة مسؤلية الاطفال صعبة بعيد عن ابوهم
يعني حلال يتزوج وينبسط وفوق كذا بخيل على المصروف
يبغى لهم توصيل مدارس ومتابعة يبغى لهم سوق يبغى لهم مستشفى يبغى لهم ملاهي
لو انخطف او اندعس او مرض بيذبحوني اهلي وطليقي ما بيرحمني على اعصابي
لو عندي يجيهم يومين ويمشيهم وينبسطون ويرجعون عندي يكرهون العيشة اللي معايا
وانا اللي اطارد واعلم واكل واشرب وفي جو عايلي مشحون ومتوتر
ياكلني الهم والوسواس لا يطيح لا يمرض
لذا اخترت الزيارة لي شهريا يومين
ميثاقنا انا وطليقي ان نكون اسرة وتعاهدنا ان نربي ابنائنا معا
اذا نقض الميثاق بالطلاق فنقض العهد الذي بيننا وتشتت اطفالنا وهذا هو الواقع
دائما اكرر اللهم اني لا احسن تربية ابنائي فربهم لي واحرسهم بعينك التي لا تنام
فانهم في مكان لا تراهم عيني

الشكوى لله وش حيلتنا ودي اني معاهم ومشتاقة وربي
اقسم بالله اذا نزلت سوق دمعتي ما تجف اشوف اشباههم فاتاثر واتنكد
وخواتي ولاهم حاسين
تستاهلين كان خليت العيال معاك
وامي واخواتي ما يساعدوني لو يمسكونهم ساعة لو يموتون
ولي ف البيت مثلهم ما قامت نايمة ما اشتغلت ما طبخت يحاسبوني ما كان معايا اطفال
البيت كله اوامر لبسيهم موسخين ما اكلتيهم سكتيهم شيلهم انا اوديهم للمستشفى ولا احد يراكض معي اودي البنات للحضانة ما يمسكوهم وطليقي وينه نايم مرتاح
بس استحم لازم بناتي معايا كيف لو العيال الحمد لله انهم مع ابوهم يتحملهم مثل ما اتحمل بناته ومصيرهم لابوهم اذا كبرو

مع اني موظفة لكن تدخلات اهلي ما راح تخليني في حالي وانا عاجزة عن تربيتهم وحدي او في بيت مختلط متوتر لا تعاون ولا مساعده مجرد قلق على الفاضي
وصبري على طليقي لان اهلي نااار سنوات وانا صابره يبي تجي مني بس الحمد لله جت منه

ياخذهم صغار ولا ياخذهم بعد ما تعبت عليهم وربيتهم وسهرت وتعلقت فيهم اكون في معمعة العدة والطلاق وفقد الضنا حتى يبرا جرحي ولن يبرا لان الذكريات قاتلة موجعة

عيوني انعمت من كثر البكاء وقلبي يعورني ولساني دايما يكرر حسبي الله ونعم الوكيل

حسبي الله على من شتت شمل اسرتي وخبب طليقي علي على شين صفاته بعد

حسبي الله وكفى:06:

وليدك لا تفرطين فيه مهما كان هذا قطعه منك من بيهتم فيه ويخاف عليه مثلك لو راح عنك بيعيش يتيم انتبهي مهما جاكي من عرسان اول شرط وليدك معك الله لا يفرقكم

انا وحدة اعرفها مو طايقهالغيشه مع زوجها وقالت ارمي عياله عنده واتطلق واخذ بس الصغير وابوها يقول لاتجيبي العيال عندي وحاله اقولها تحملي عشان عيالك لو ترميهم على ابوهم يتدمرون تقول كيفه بفتك ماهي عيشه اسال والله عيالها يحزنوني حرام يتشردون والله حمدت ربي اني ماني متزوجه وان بالي مرتاح ماني شايله هم زوج ولا عيال صحيح اسمع كلام يغث ماجاك عريس محد خطبك بس انا انسانه واثقه من نفسي هذا اهم شيء الله يصلح اموركم وماتشوفون مكروه في عيالكم ان ساء الله