هل ممكن تسامحين الخيانة بين يوم و ليلة😒

بنات مساء الخير للجميع
اولا اشكركم من كل قلبي على وقوفكم دائما معي و خصوصا امس
مستجداتي الصراحة بين قلب يريد يسامح و شكوك و شيطان ينفخ بالراس
المهم مثل ما قلت لكم جهزت شنطي و اغراضي كلهم لسفرة طويلة المدى
رحت دورت احلى صورة لي في زفافي بالفستان الابيض و انتظرت سي السيد يرجع
دخل البيت صلى رحت لبست عبايتي و جبت اغراضي جنب الباب و رجعت له رميت له الصورة امامه و قلت له ابعثها لصديقتك قول لها شوفي زوجتي اللي خنتها نعاك ما فيها شي يسوى ولا شي
و حملت شنطت ايدي و قلت له يلا نروح
لحقني و قال لي هذا اخر قرار لك انك تروحي لبيتكم
قلت له اي شو انت تظن ان راح ارجع لك و ابقى في بيتك لا ما حزرت
قال انتي راح تخربي بيتك من ولا شي
قال اقسم بالله ان ما فيه شي بيني و بينها كله الشيطان يكبر لك في راسك و انت بتتبعيه
قلت له و انت ما اتبعت الشيطان تخوني تخون امراة تعشقك مو تحبك و تجرحني مع بنت شوارع كل الرجاجيل يعرفوها
قال والله العظيم ما حملتها من مكانها هي وحدها بعتت لي صورها و انا لما تكلمت معاها اكثر من مرة حبت تعرف الشخص بعثت لها صورة
و سالفة فلان هي الحقيقة و اسئلي مين تحبي من اصحابي والله انها خلته يتمسك فيها و كان رايح يتزوجها و احنا قررنا نبعدها عنه و انا قلت لهم خلوها علي
قلت له ما تبغى بيتك يتخرب يا انا يا الفيسبوك
راح جاب تليفونه و قال لي اخذي احذفي كل الحساب و والله العظيم ما افتح راح افتح حساب ثاني ابدا
حذفت له الفيس و المسنجر
و قال لي هي حبت تلصق فيني مثل فلان و حذروني الشباب اصحك هي لصقة لا تسايرها و ما عمري قلت لها كلمة خارجة عن الادب بس هي متعودة تحكي الشباب تقول لهم يا عمري يا قلبي و ترا عمرها 39 سنة اذا ودي نسوان اشوف لي على الاقل وحدة صغيرة
و انا شاريك يا بنت الناس لاني احبك و مستحيل اسمح فيك مقابل وحدة مثل هذي
و انا ارسلت لها من ثلاث ايام خلاص لا تراسليني و هي ما تفهم
المهم ظل يقسم و يحلف انك انتي حياتي و زوجتي و قرة عيني ووووو
قلت له انا اركض ليل و نهار عشان ربي يرزقني منك ولو طفل واحد يتوج حبنا لبعض و انت هايم مع بنت الشارع
رجع و قال بايش احلف لك حلفت علي المصحف و ما صدقتي
و اعرف غيرت النسوان كيف انا ما خنتك هذي غيرة قوية
قلت له لاني انا مو احبك انا اعشقك و متحدية العالم بيك
قالي اعتذر و سامحيني سامحيني سامحيني و سلم على راسي ثلاث مرات و جرني للسرير فال تعالي نامي جنبي طول اليل ما نمتي
و و ضمني و قال انا احبك يا بنت الناس متى تفهمي هذا انتي في قلبي عايشة ولا يمكن اني اشوف امراة ثانية و حتى لو تكلمت او تعرفت على وحدة مو معناتها حبيتها و خرابيطك اللي في راسك
انا عندي انتي في الدنيا و بس و الايام تثبت لك
و لما صحي رجع ضمني و قال لي نفس الكلام خلاص سامحيني و حقك على راسي و الفيسبوك ارتحنا منه ريحي مخك و انسيها البنت هاذي
الله لا يربحه فلان هو السبب جينا ننقذه اتخرب بيتنا احنا
و اذا مومصدقتيني اجيب لك اللي يقول لك السالفه من اولها لاخرها لان كل الشباب يعرفون القصة


و نزلو دموعه لما قال لي والله العظيم انا حاطك بعيوني و مسكر عليك


دموع تماسيح


انا الحين ماني عارفه اصدقه اسامحه الان ما شاف ضحكة مني