السلام عليكم ورحمة الله وبركاته
قرأت بعض الردود بعضها يقول ليش لا واحد يقول لا
بالنسبه لرأيي فهو
تكون علاقتكم طيبه ؟ تصير
تساعدك وتقدم لك النصح في بعض الامور ؟ تصير
تحب عيالك وتحاول تشوفهم بغيابك ؟ يمكن تصير
تكون صديقتك الصدوقه مثل ما يقول تيمون وبومبا ؟ مستحيل
الحياه بين السلايف زي الشركات المنافسه
كل شركه لها منتج تحاول تلمعه يمكن تصير شراكه بس الربح كل شركه تحاول يصير منتجها الاحسن ولو على حساب الشركه الثانيه
وعاد فهمكم كافيه طبعا في شتى الميادين سواء حب اهل الزوج والشياكه والعزايم وتفوق الاولاد وحب اهل الزوج لعوايلهم و و والخ
علاقة السلايف محكومه بعدة عوامل :
اهل الزوج : لو صار اهل الزوج يفضلوا وحده تصير العداوه
الازواج نفسهم : اذا امتدح زوج وحده منهم شي لزوجة اخوه لو كان طبخه قامت القيامه وكتب اسم السلفه بقائمة الاعداء .....عاد لو كان من النوع البصاص وامتدح شكلها او اخلاق هنا يحط اسم السلفه بقائمة سوداء لا يعرف ماهيتها.
تقول وحده : سلفتها طيبه بس تصير مواقف احيانا تافهه وتكون هناك ردة فعل ...تقول والكلام على لسانها : مره عملت طبخه ودق تلفون زوجها ان اخوه جاي عندهم ولما قدمت الاكل ...اخو زوجها قال: صراحه حلو ورهيب ....شو صار السلفه ما اكلت مع انها معروفه انها تحب الطبخ وتاكل عادي وهم ضيوف وتقول لاحظت بكذا موقف انها ما تاكل من الحلى اللي تسويه .....وكان دايم تقول ان الانسان مو لازم ماركات وهالاشياء ودوم تذكر اسم محلات تتعامل معاهم ...لدرجه ان زوج ربيعتي يقول : زوجة اخوي انسانه تعرف تتصرف بالفلوس بس لما انفرجت للسلفه صارت تنافس في اللبس العدل :)
برايي ومن تعاملي مع حريم اخواني او مع السلفه ان السلفه تحب النقد اكثر من المجامله يعني لا تتوقعي تقول لبس بنتك شيك او حلو ....بس اذا صار الموضوع مثلا ان لبس بنتك مو مناسب لسنها او ليش ما لبست بنتك لبس معين تحصليها بالحديث وتعطي النصايح ...اذا دشت بيتك وام زوجك قالت لون الغرفه روعه ما تعلق بس اذا قالت لون الغرفه كئيب تحصلي هالمخلوق يسترسل بالحديث وقيسي عليها طبخ ترتيب سنع جمال الى ما الى ذلك
فاي وحده انصحها : عامليها باحترام وتقدير ولو كانت اصغر منك .........اذا تريد نصيحه قدميها اذا ما احد طلب منك لا تعطي نصايح ...اذا جات مناسبه قدمي لها هديه وانسيها لان بعض السلفات ما يهتموا بهالامور لاي سبب كان .اذا مرضت قومي بالواجب حتى لو تاخذي عيالها اعتبريها اختك بالواجب يعني اللي تسويه لاختك من واجب سويه لها .....بس اسرار وكلام عن اهل الزوج راح تكون انت الخاسر الاكبر
لا تعلميها او تاخذي رايها في شي يخص اولادك لا سيما الخاصه ..........مثلا لا تقولي لها بنتي بلغت شوري علي شو اسوي ...مصير العيله تعرف ......لا تقولي لها حصلت ولدي يدخن او مثلا زوجك يسال اخوه شور علي .....اذا كان مش ولا بد يكون اهلك .....
في النهايه السلايف هي شركات ذات مصالح مشتركه في بعض الاحيان ولكنها تبقى شركات منافسه ولكل شركه منتج تحاول تسويقه
الصفحة الأخيرة
ههههههههههه
غيرة وتقلدك
ههههههههه
نفس الشي و**** ارحمها احيانااقولة اسم المحلات والماركات الي لابستهم