هل ممكن يصير حمل وأنا أرضع طبيعي ولاجاتني الدوره ،، أفيدوني الله يرزقكم الجنه

السلام عليكم


اخواتي أنا عندي سؤالين واتمنى المجربات وذوات الخبره يجاوبوني :confused:

هل ممكن يصير الحمل وأنا أرضع طبيعي ولاجاتني الدوره غير مرا وحده وكان بعد نفاسي يمكن ب25 يوم تقريباً واحس ما كأنها دوره يعني نقط طوال اليوم احياناً تكون ثقيله استمرت يمكن 3 ايام ماني فاكره بالظبط وبعدها ماجاتني

والأن انا لي يمكن 8 ايام وانا احس بالوحام .. وولدي عمره 7 شهور :04:

سؤالي الثاني وهو اللي مخوفني اني اكون حامل :confused: هو إني والده قيصري
ودايماً اسمع ان اللي تولد قيصري لازم ماتحمل أقل شي سنه ،، طيب ليه ايش السبب ،،
عشان تكون فيه فرصه تولد طبيعي ولا هو كذا خطير انها تحمل بدري لو جابت قيصري حتى لو بتولد الثاني كمان قيصري ؟؟

أتمنى تكونو فهمتوا علي ،، لي كم يوم وانا احس بنفس اعراض الحمل اللي مريت فيها ،،يعني ما احب الشاي وبس حاسه بغثيان وكسل فظيع ،، وكل يوم أكذب نفسي وأقول لا شكلي مو حامل كيف حامل وانا أرضع ،، وما أبغى أسوي تحليل لحد ما اتأكد ،،، والله يعين يارب

انا بنتظاركم عشان لو طمنتوني إنو عادي ما يأثر لو اولد مرتين قيصري قريب من بعض ،بتوكل على الله وبروح أحلل ، عشان الخوف خلاص بيذبحني ،، وتجربتي مع القيصري تجربه مريره :huh:
والله يعين يارب