هل منقوع الحناء يعطي نفس نتايج معجون الحنا/// قديم

السلام عليكم ورحمة الله وبركاته
ازيكم يا بنات عاملين ايه بعد العيد واللحمة
كل سنة وانتوا طيبين ويا رب حياتكم تبقى مليانة فرح وسعادة وسرور
طبعا الشتا وصل والبرد والحنا صعب تتعمل في هذه الاجواء
ده غير غسلها والبهدلة الي بتحصل في البيت والهدوم والمخدات
فقررت اني اجيب ماء مغلي واصبه على الحنة مع بعض الاعشاب الموجودة عندي
سدر بردقوش ممكن قرنفل وكام فص توم وحلية
يعني كل الي الاقيه في المطبخ
والمرة الجاية ان شاء الله ححط زعتر لتطهير فروة الراس وترمس مطحون ( بس انا جبته سليم وحطحنه في البيت مش مضمونة حاجة بره المطحونة)
المهم سؤالي
هل الحنا في الموضوع ده بتعمل نفس نتايج معجون الحنة
انا بصفي المكونات واغسل بيها شعري واخليه كتير يعني المرة الي فاتت نمت بيه بعد ما سرحته عادي
وغسلته الصبح
طبعا ريحة الحلبة مختفية والتوم مش باينة