هل من العيب أن تقول الطالبة أنها متزوجة ؟

السلام عليكم
كيفكم ياحوائيات
اليوم ان عندي موضوع كثير افكر فية ومحيرني
وكنت اسولف مع وحدة عن هذا الموضوع








الموضوع هو ليش مجتمع الطالبات سواء الثانوي او الجامعي عندهم عيب ومايصلح تقولي انك متزوجة ؟؟

اسمعوا الردود الغريبة الي سمعتها؟؟
هذي وحدة رايحه مع اختها الغير شقيقة يسحبون ملفهم كل الثنتين متزوجات وحده لما سألتها المسؤلة
انتي متزوجة؟
قالت اية اختها قالت لا
ولما سألت الثانية كم زوجات والدك قالت وحدة؟
ولما سألت الاولى انحرجت وكذبت
طبعا لما قالت لي الموضوع سألتها ليش الكذب قالت ان ماتبي تحرج وتكذب اختها , واستغرب طيب ليش اختك كذبت عن زواجها الي اعرفة ان المسؤلة لما سألت عن هذي الاسئلة كانت تعبي ملفاتهم الرسمية يعني مافية مجال للكذب قالت مدري !!

الموقف الثاني كنت في القاعة وسألت الدكتورة مين متزوجة انا قلت انا بشكل عادي وتلقائي
الغريب في الوضع القاعة سادها صمت عجيب وكلهم يناظروني انا هنا شكيت في نفسي وجلست افكر وش صار
والي خلاني استغرب نصف القاعة متزوجات ووحدة جالسة مقابلي حامل في التاسع وماقالت شئ؟؟
لما خلصت المحاضرة سألت وحدة من الطالبات عن الموضوع ردت على رد ؟؟؟؟
قالت عيب تقولي انا متزوجة
انا وجهي صار كذا طيب لية سنة الحياة الوحدة تتزوج ولا كيف الي في القاعة صارو في الدنيا نزلو من السماء؟؟

الثانية قالت لي ماتخافي من العين انا استغربت لية وش فيني زود تجيني عين انا عجوز اكبر منكم ومتأخرة في الدراسة ومشاء الله اكثر من مرة رسبت وعدت وكم مرة اعتذرت ووقفت دراسة الي في عمري متوظفة لها سنين
اما بالنسبة لزواجي الحمد لله على كل حال لازم كل متزوجة سعيدة اصلا ماكملت دراستي وحتى مع رفضة وتنازلي عن حقوقي الى الخوف من المستقبل و كثرة الخلاف ولا من يحب الشقاء والاختبارات والكرف وسوء معاملت الاستذات والدكتورات والرجوع للبيت متأخر وتنظيفة وقلة النوم ومشكلة من يوديك ومن يجيبك

بصراحة اكبر اكبر معناتي ماعندي ابدا صديقات ولا حياة اجتماعية الوقت مايكفي الدراسة والمنزل اما في الاجازات ماعرف احد وحاولت اكثر من مرة تكون لي صديقة لكن كيف ؟؟ لاتقولو اثناء الدراسة لانهم فقط زميلات يعني نشترك في الاعمل ونساعد في الواجبات اذا انتهات الدراسة ماحد يعرفك!! بعدين قليل اجلس معهم من المحاضرة للبيت والعكس مستحيل اجلس

كأني طلعت عن الموضوع نرجع لسالفتنا
وحدة قالت لي ان المتزوجة مااحد يحب صحبتها يقولون الي عازبة وتجلس مع متزوجة تفسد اخلاقها؟؟
يعني تبي تقنعني ان البنت الي تسافر مع اهلها خارج السعودية شرق وغرب ماتعرف شئ وانا بفسدها ؟؟
اصلا اعتقد ان اغلب البنات في هذا الزمن يعرفون اشئاء ماتعرفها المتزوجات انا اقول اغلب لاتجي وحدة وتنط وتقول لا وتصير مشكلة ونطلع عن الموضوع

طيب بعد كل الكلام الي قلته هل صحيح عيب اقول اني متزوجة ؟؟ والله احيانا احس بالاحراج و الضيق واقول ليتني ساكت وماقلت شئ من كثر ماوسوسو لي
وكمان لما اتكلم عن موضوع عام وعادي مثلا مسؤلية البيت او بعض المواقف الي صارت لي في احدى المناسبات
يناظرون بعض ثم يناظروني وبعد شوي يتهامسون يضحكون بشكل استفزازي
احيانا اقول يمكن انا حساسة واتوهم !
واحيانا اقول لا واشعر بالذنب والغضب واقول مجتمع غبي ياليتني ماتكلمت!

على فكرة وحدة تقرب لي قالت ان بعض الناس ماتذكر انها متزوجة لعدة اسباب
1- بعض البنات يحاولون يؤذونها واحيانا يتصلو مثلا على البيت وخاصة اوقات غلط يتقصدون زوجها

2-وبعد بعض البنات اذا جت تطلع بسرعة تلبس عباتها وتطلع علشان تشوف زوجها <<< هذي قد صار لي سالفة مقاربة لها
وحدة جلست تسولف وتلحقني (للعلم البنت ماعرف عنها شئ ابدا فقط اسمها )لين راحت معي احد البوابات وهي غير البوبة الي تروح معها بينهم مسافة مرة مرة بعيدة هي تطلع من بوابة خاصة بالباصات كل هذا تبي تشوف زوجي تظن انه هو الي بيجي !!!
بصراحة انا انصدمت مرة منها هذي الحركة واكتشفت هذا الشئ لاني لما رجعت ودخلت اجيب كيس لقيتها جالسة تحاول من خلف الزجاج انها تشوفه؟!
طيب انا عادي عندي لوسالتني عن شكلة كان وريتها لاني والله قد وريت بنات قبل صورته مافيها شئ ماهو حرام والرجال مايتغطون ويلبسون عبايات لكن حركتها هذي خلتني اشك فيها الله يسامحها

3-ان بعض البنات يحرجونها ويسألونها أسئلة بايخة انا هنا قلت لها عادي خليها تسألني يعني مثلا لو تسألني كيف الدراسة والزواج او شياء عامة عادي اما اشياء خاصة لا للعلم ان فيني طبع اكرهه مرة اني بسرعة اجاوب ومااحب احرج احد ولاافكر احيانا واذا جلست اراجع الموضوع احيانا اندم واقول احسه شئ خاص مالازم اقوله


وبس هذا الي عندي انتم وشرايكم
واذا عندكم نصائح لي ياليت تذكرونها لكن لوسمحتو باسلوب حلو بدون صراخ ولارمي كلام ماله داعي كلنا كبار
والي ماعجبها الموضوع مسامحتها لاترد فقط تضغط على الخلف وتقرأ موضوع ثاني يعجبها