السلام عليكم يا بنات ..كيف احوالكم
انتو عارفين اني انا مالي بالمقدمات الطويله لذلك بدخل بالموضوع ....
قبل اكثر من اسبوعين توفت بنت اخوي الصغيرة حبيبتي قلبي وكانت شمعه البيت محبوبة جدا جدا من الكل عمرها سنتين ونص وكانت مريضة خلال هذه السنتين ونص بالسرطان والله ربنا دائما كان مخفف عنها متاعب العلاج سواء الكيمياوي او الاشعاع ومسخر كل الناس انهم يساعدوها ومحنن قلبهم عليها المهم ..اخر فترة لما تعبت ودخلت في غيبوبه ظلت 10 ايام طبعا كانت في المستشفى وامها وابوها عندها اليوم 11 كان اخوي حاسس ان خلص بنته قرب موتها ..لأن صاروا يشوفو المونيتر نبضات القلب بدت تقل والحرارة ايضا والضغظ ...المهم كان راجع من صلاة المغرب وراح للمستشفى ولما دخل المستشفى كان الوضع عااادي ومشى بالممرات عاااادي ومر من جنب الغرف اللي صايرة قريبه من غرفه بنته عاااادي يقول ويحلف بالله انه لما دخل غرفه بنته شم ريحه الكافور والمسك اللي يغسلوا فيه الميت والريحه قويه طلع بره الغرفه ما في شي بس داخل غرفه بنته.... شك انه في ميت بالغرف اللي جنبهم ..بس ما في شي من هذا الكلام
سال امها للبنت انت شامه الريحة قالت لأ بس هو متأكد 100% فيه ريحه بالغرفه..وبعدها بساعه او اقل بدت البنت تنسحب منها الروح وعلى صلاة العشا توفت وماتت وسبحان الله كانو في غرفتها فاتحين قناة مكة للقران وفي لحظات سحب الروح منها سبحان الله بدء الشيخ اللي في التلفزيون يدعي للاموات بخشوع يقول اخوي وزوجته والله انه من اجمل الادعيه اللي سمعناها ....ما ظنكم سبب وجود هذه الريحه في غرفه طفله بريئه مدبرة عن الحياه مقبله على الاخرة ...هل من المحتمل وجود ملائكه الرحمن الرحيم لتهيئتها واخذها الى الرحمن الرحيم بأجمل رائحة واجمل هيئه راحت وهي بهيئه جميله جدا مستحيل احد يصدق ان هذه الطفله كانت تعاني من السرطان وسيطر على جسمها الصغير ... اودلاله على وجود ملك الموت معاها وسحبه للروح ...احنا ما لقينا تحليل غير هذا هذه ريحة حنوط الجنه وباذن الله هي في الجنه
وقبلها مرة كنت نايمة وصحيت يمكن كانت 3 او 3ونص قبل الفجر وشميت ريحه بخور رائعه جدا عمري ما شميتها شكيت ان في احد عندي بالغرفه رش معطر او فاتح مبخرة(على فكرة احنا مو عادتنا ان نستعمل بخور يعني هو غير موجود اصلا بالبيت ) بس ما كان في شي غير انا وبنات اخوي الثنتين معاي يا ريت تلاقوا لي تفسير ..وفي احد صارت معاه هذه الحالة
دودوحبيبي @dodohbyby
محررة فضية
يلزم عليك تسجيل الدخول أولًا لكتابة تعليق.
يمكن سبحان الله مافي شئ مستبعد
الله يرحمها اذا ابوها متأكد فعلا فهي اكيد رائحه قادمه من الجنه
الله يرحمها اذا ابوها متأكد فعلا فهي اكيد رائحه قادمه من الجنه
أعرف وحدة الله يرحمها
كانت منومة في المستشفى واختها معها مرافقة
يوم جات الساعة 12 بالليل قالت المتوفية الله يرحمها يازين ريحة البخور والعود
والمرافقة تقول مااشم شيء
وتوفت في نفس الليلة سبحان الله
مشاء الله هذا من حسن الخاتمة
كانت منومة في المستشفى واختها معها مرافقة
يوم جات الساعة 12 بالليل قالت المتوفية الله يرحمها يازين ريحة البخور والعود
والمرافقة تقول مااشم شيء
وتوفت في نفس الليلة سبحان الله
مشاء الله هذا من حسن الخاتمة
اول شي حابه اقولك عظم الله اجركم وثاني شي وليش ماتصير هاذي ريحه الملائكه بنت صغيره في عمر الزهور لاذنوب ولاشي تبي تحاسب عليه والله من فتره وحده من جماعتنا متوفيه في حادث واللي انقذ هالعايله يقول ان ريحة البنت المتوفيه في يده وهألريحه يقول عمري ماشميت مثلها والبنت هاذي الله يرحمها في حلقات التحفيظ وبنت صالحه ...الله يحسن خاتمتنا يارب
الصفحة الأخيرة
بالنسبه لهذي الحاله الله أعلم
وفعلا قد صارتلي ...وانانايمه اشم ريحه عطر مع انه كل اللي في البيت نيام!!!!