هل من حقي. اضايق. انو حماتي ممكن تيجي تبات عنا

بدايه بنات. بدون هجوم. بالعكس انا بحب حماتي وهي طيبه.
بس مضايقه كتييير من جيتها اقراءوا معلش اتحملوني مشان انا مش عارفه شو السبب يالتحديد اتحملوني بنات


انا من بدايه ما تزوجت كنت بغربه. وكان عفش البيت ذوق زوجي يعني على القد ومافي حد بالغربه. قعدنا. اربع سنين وجينا بلدنا. نزلت على بيت معفش. لاهلي. قعدنا. سنه.


طول هالسنين. عمر حماتي ما نامت عند حد من سلفاتي ابدا. كل واحد بحاولوا.


بعد السنه. استاجرنا. بيت. وطبعا مبسوطه بعد كل هالسنين. اول مره بحس عندي بيت ورح اعفش واعمل.


للاسف الغربه. كانت ع الفاضي.
وبعت شوي شوي من دهبي. مشان اعفش زي ما بحلم.
بعد عشر. ايام من سكنتنا. ولسه كنا بنعفش ولسه ما خلصنا تعفيش للان بنوتات . اجت حماتي ونامت عنا انا اضايقت كتييير مع اني لما حكالي زوجي قلتلوا عادي بعت قطعه وجبت عفش لغرفه الجلوس مشان حماتي رح تيجي.


بس من اول ما دخلت قلبي انقبض وحسيت بدها تتحكم بكل شي. رح تقولوا انها منيحه. بتشتغل بالببت مش بضل قاعده.


بس الواقع ببيتها بضل قاعده.
اتفاجئت من اول ما دخلت بدها تجلي واصرت جدا. تقريبا طول قعدتها صار الجلي عليها. وجدا اضايق. وبضل تصر تجلي
حتى كرهت. اني اغسل الملابس منها. بترتب الغسيل وهدا الشي جدا بضايقني لانوا اكيد بتعرفوا. الواحد ما بحب حد يشوف ملابس خاصه فيه اكيد فاهميني


غير تعليق على اكلي وهي مره انا. طبخت وصارت تقلي بعلمك من وقتها ما. طبخت. اكلنا جاهز. لا مشكله مش بالنصيحه. لا مشكله بكل. صراحه. حماتي فضيحه. يعني لما بتقعد معي بتحكيلي عن سلفاتي وبتعلق عليهم. فانا متاكده ممكن بصير بالعكس وتحكي عني.


كل هاد قعدت اربع ايام عنا. وطبعا بنفس فتره استاجرنا البيت. نامت قبل عند سلفاتي يوم. و. التانيه يومين وطبعا علقت وحكتلي. عنهم. بس انا ما بدقق على كلامها. وما بحكي لحد. شو حكت.


المشكله انو. اليوم قال مضايقه وبدها تنام عند بنتها. وللعلم ما صارلها. اسبوع. مروحه بيتها.
يعني اكيد رح تيجي تنام عنا. زي ما عملت هداك الاسبوع. لانوا بنفس منطقه. بنتها.
المشكله الاهم ما معنا فلوس. ضايل مبلغ صغيره جدا. من الدهب بدي اكمل. فيهم. الصالون الرسمي لانوا قرب العيد. وضايل كم شغله بالببت. للاسف ما رح نقدر انكمل للان. الفلوس لا تكفي




للان جدا مضايقه. شو نعمل اذا قالت بدها تيجي. مافي فلوس وبدي اخلص. وحاسه كل اسبوعين رح تصير بدها تيجي هدا الشي خانقني. مش حاسه انوا بيتي
غير. صار مافي اسرار. يعني زوجي الوا اسلوب معي بشغلات. بتشدد. وهي طبعا. لاحظت وهي ربنا. الله دافعت. عني. بس المشكله. و الاكيد بتحكي ممكن لسلفاتي او بناتها


احكولي بنات بهدوء بدون هجوم اتحملوني.


معي حق اضايق. ولا انا مزودتها.