لو إني بمحلك أبندم إني نزلت سؤالي هنا يا صاحبة الموضوع
الردود بعضها منطقيه وبعضها المثاليه تقطر منها

أقولك كلامي عن تجربه
إذا كانت طلعاتكم قليله
فما أنصحك نهائياً بالإجازه
لأنو وقت فراغه كبير وعنده أوقات راحه
فما حبكت على يوم الإجازه !
سواق أهلي كل أيام الأسبوع قاعد ماعنده شي إلا يومين الويكند
سووايق أهل زوجي عاد هذولي الطامه الكبرى ما عندهم شي
ألا جامعة أخت زوجي ومواعيد خالتي بالمستشفى
والسواق الثاني مخصص لأبو زوجي
وكلهم طلعاتهم فقط بالويكند
ومع ذلك يتشرطون بالإجازه واهم ماعندهم شي مبلطين بغرفهم !
الخدم والسواويق صايرين يتشرطون بشكل مبالغ فيه
زياده على أنو العقد في صفهم بكثير من الأمور أحنا نقوم نعطيهم وجه ليه ؟؟!
أرجع واقول شوفي وضعك ونمط طلعاتكم
إذا كنتم تطلعون غالب أيام الأسبوع وفوقها عندكم مدارس وأشغال وكرف
لازم تعطينه إجازه أسبوعيه
أما إذا طلعاتكم قليله
فهذا اسمه دلال بغير محله
العماله المعامله الطيبه بعين نبيهه هي اللي تمشيهم
غير كذا ما يستاهلون

من حق اي انسان في العالم
سواء كان مسلم او كافر
اجازة يوم في الاسبوع
ترا هم بشر مثلنا
ولازم نحط نفسنا مكانهم
والقرار لك

ما خبرت فيه اجازه صدق ما خرب السواقين الا بعض البنات

................. للرفع

من غير تعمق في سالفة الرحمة والمشاوير القليلة او الكثيرة
في نظام العمل والعمال له اجازة رسمية يوم في الاسبوع
تحديدها يكون منكم وكلموا المكتب اللي جايبين منه وتفاهموا معه
لكن انه هو يحدد اليوم لا مو صحيح
واذا بتاخذون هذا اليوم يحق له عليه اظن 50 ريال كل يوم عمل في الاجازة
يعني 200 ريال شهريا زيادة في الراتب اذا بتاخذون اجازته الرسمية
وممكن يشتكي عليكم اذا كان مطالب فيها وتتساءلون
عموما فيه شغالات وسواقين ما يطالبون فيها وعادي عندهم وبعضهم العكس
لكن الغريب راتبه ليه 2000 ريال ! وش جنسيته ؟
اللي اعرفه ان رواتب السواقين الاسيويين ما يتعدى ال1500
يعني وصول راتبه ل2000 ريال اذا هو اسيوي يكفي وموفي