هل من حق عائلتك تتدخل في تربيتك

شوفي لاتسكتي لهم واذا قالو شي ردي عليهم رد يخليهم مايتجرأو على التدخل مره ثانيه مع ان بعض الناس عادي مايهمه يرجع يتدخل
انا اعرف وحده كذا تعاني مره من تدخل خواتها وتقول احس انهم يعتبروني غبيه مااعرف شي وكل شي اسويه خطأ وهم الصح ومره قاهراتها
تدري ان الاشكال هذي فيهم ثقه زايده عن حدها بانفسهم ويحبو التدخل بالناس وفيهم لقافه الله يشغلهم بانفسهم

شوفي أختي أنا تعبت مع أمي وأم زوجي كثييييييييييييييييييييييييييير

لدرجة حتى البيض اتضارب مع ام زوجي تبغى تاكل اولادي البيض نص مستوي وانا اشوف فيه بكتيريا المفروض يكون مستوي كامل

والأثنين يقولوا لي انا وزوجي زي ماربيناكم نربي أولادكم الا اذا شايفين نفسكم مو متربين وماتبغونا نتدخل

الان بعد مرور 10 سنوات وبطلت ماما وأم زوجي يدخلوا في تربيتي لأولادي

أحس بالذنب ايش فيها لو خليتهم يدخلوا أهم شي اكسب الرضا وأدخل الجنة

وليش أحرمهم متعة تربية أحفادهم وليش أمنع أولادي دلع جداتهم

زمان الكل كان يربي الجار والجد والخال والعم والمعلم وهذا احنا على قولتهم متربين مافينا شي

عزيزتي .. تدرين انا زيك انسانة اعشق واقدس الخصوصية وماحب حد يتدخل فيني ولا انا اتدخل بحد خير شر .. لكن امك وابوك وام رجلك وابو رجلك لاااااااااااااااااااابد يتدخلون بالتربية وهلشيء ترى يفرحهم يحبون هلدور فلاتحرمينهم منه حتى لو كان شيء غلط ... وحتى بالضرب انا لو ضربوهم اخليهم ما اعترض مرات تعترض اختي اقولها خليهم هذيل امه وابوه و اقول لامي مثلا او ابو رجلي هذا ولدك اضربه ربه على كيفك لو بغيت اذبحه ... اكيد من داخل قلبك يتقطع على ولدك اذا قسوا عليه بس تتحملين شوي تراهم هم برضو يحبونه وماراح يذبحونه ... خليهم يبدون رايهم يحسون شوي بانهم لهم فايدة انهم مقدرين انه رايهم يهمك وانه هم صح ... وبصراحة لو ماتدخلوا بتربية العيال راح احس انهم مايحبون عيالي...

لكن متى فعلا اتضايق وانغث ؟؟ لما تجيني مثلا وحدة من قريباتي او حريم اخواني وتكون هلحرمة ماتدري عن عيالها وكله عيالها عند الخدم وتجي تقولي اعملي كيت وكيت وليه ولدك يسوي كذا او كذا !!! طبعا اطنشهم واقول بقلبي انتي عيالك ماعرفتي تربينهم كله مع الخدم جاية تعلميني كيف اربيهم ؟!! مو من حقها بصراحة تتدخل واعتبرها لقافة وتدخل بخصوصيات الغير ...

انا اختلف عن اراء خواتي السابقات
ليه لان الطفل يتعب نفسيا مابين تذبذب التربيه وكثرة التغييرات
ولما يشوف امه حريصه وحازمه في اشياء وعادي يسويها عند غيره راح يبداء تدريجيا الابتعاد عن امه ويشوفهم الملاذ
نفسيا الطفل يحب الحدود وتريحه تماما زينا احنا الكبار مو انتي لماتعرفين حكم الدين في امر ترتاحين عشان ماتسوين شي غلط هو الحدود وتوحد التربيه امر مهم بالنسبه لهم
غير كذا زمان اول وبساطتهم مو مثل تعقيدات الحياه اللي نمر فيها الان والتعليم والثقافه وامور التربيه الحديثه غالبا مايرتاحون لها الكبار
هذا كله الكلام نفسيا واجتماعيا
ومنطقيا بعد لان رفضك لتدخلهم وحبك لاستقلالك وتربية ابنائك براحتك ابسط حقوقك وهذا شي مايلومك فيه احد ومرت فيه امك او ام زوجك
ولما يكبروا اولادك يكونون مرتاحين وانتي بعد فخورة بتربيتهم لانك انت اللي ربيتيهم
مايمنع عدم التصلب او المرونه في بعض المواقف وعدم الاختلاف امام الاطفال
الله يخلي لك عيالك ويريحك ويرزقكم جميعا المحبة وراحة البال
دمتم بود

انا قد شفت وحده كذا الله يستر عليها بس جدتها بس تتدخل بعيالها هاوشيهم

مدري وشو ومن هالكلام

صارت البنت اخر شيء تسمع الكلام من اذن وتطلعه من اذن ثانيه وارتاحت