هل من طبيب نفسي يعالج الخوف عند الاطفال الرياض

السلام عليكم ورحمة الله وبركاته
بنات الله يعافيكم بعرض لكم مشكلتي واتمنى القى عندكم الحل لاني تعبت والله وبنتي مضيقه صدري عندي طفلتيين وحده بعمر اربع سنوات ونص والثانيه لسه ماكملت الشهرين
توني راجعه من الاربعين كنت عند اهلي طبعا
بنتي الكبيره لما كان عمرها 3 سنين حاولت اطلعها لغرفتها كنت انسدح معاها واذا نامت رحت غرفتي وكانت تقريبا بدون مبالغه كل ربع ساعه تقوم وتجيني وماكنت اخليها تنام معي ارجع ارجعها واذا نامت طلعت ونفس الحاله ع هالموال
لما حملت تعبت وكنت لازمه الراحه لان عندي مشاكل بالحمل جبتها عندي لكن فر شت لها فراش بالارض طبعا مع فترة النفاس كانت تنام معي في بيت اهلي
الحين لما رجعنا رافضه رفضا باتا تنام في غرفتها وغير كذا حتى وهي عندنا صايره والله من ننام الساعه 11 او 12 او 1 في الليل تستمر واقفه ماتنسدح على فراشها وبس تناظر الباب و ولو بغت الحمام تكرمون لازم اقوم معها لو بغت مويه لازم تقومني وكل شي تتعلل بشي احيانا تقول اقري لي قصه واحيانا ابي مويه :06::06::06:
بصراحه ماادري وشلون اتعامل معها ولا وش اسوي بها ماابي تطور حالة الخوف عندها
الي جربت دكتور يعالج عن طريق جلسات بدون ادويه تخبرني او اذا تشوفون ان مافيه لازمه للدكتور قوولو لي طريقه تكفوووووون
الله يعافيكم مقدما :p