هل من طريقة لتنظمي بها اعباء زوجك اليوميه ؟؟

يا حياتي والله..
الله يقويّك ويساعدك في إنك تريحين زوجك..
مادري إذا أقدر أساعدك لأن زوجي دوام واحد بس..
بس أنتي ممكن تحددين يوم واحد بس لأغراض البيت وخلافه..بحيث يكون يوم جمعة مثلا..ويجيب طلبات الأسبوع كلها مرة وحدة عشان ما يضطر يطلع كل يوم في وقت راحته..
وإذا تبغين نصيحتي,,اشتركو في سوبرماركت للتوصيل..والحاجات اليومية زي الخبز مثلا أطلبوها توصيل بحيث إنه ما يطلع من البيت..
فترة الغداء قصيرة مرة-3 ساعات فقط- خلي ساعة كاملة منها للغداء..
جهّزي الغدا ومستلزماته كلها..وأول ما يجي بس على ما يغسل ويغير ملابسه يكون الغدا جاهز..يتغدى وينام له ساعة تقريبا..يصير المغرب أذن..يقوم يصلي وتصيرين أنتي مجهزة الشاي وملحقاته-يمي يمي:)- تتقهوون سوى وتسولفين معاه ساعة لين يجي وقت دوامه الثاني..والله يسهّل له..
بعد ما يجي من الدوام -الساعة 9..ماراح يكون جايع بالحيل لأنه متقهوي المغرب..
بس حطي لكم صحن فواكه أو مكسرات..واجلسو عند التلفزيون دردشو شوي..
وأنصحك دايما سوّي العشا وهو بالشغل,,بس خليه بالصينية بالفرن وجهزي الصحون والشوك والكاسات...إلخ..عشان ماتنشغلين عنه كثير إذا جا بالليل..
وإذا هو ساندوتشات والا بيتزا,,حطيها بصحن المايكروويف وغلفيها بالنايلون-الجلاد-..عشان مايصير عليك إلا إنك تسخنينها..
وإذا جات الساعة 10 ونصف تقريبا..حطي عشاكم..وبعده براد شاهي منعنع..وما تحلى السوالف إلا بعد العشا:)
وإذا تبغينه يرتاح صدق,,لاتسهّرينه..خليه ينام بالكثير على الساعة 12 ولا يتأخر عنها..
وإذا عاد بتدللينه..سوي له يوم مساج..ويوم دلّكي راسه بزيت جونسون-ترى الرجال يحبون هالحركة..خصوصا اللي شغلهم إداري-..
والله يعينك..أدري بمعاناة الزوجة اللي زوجها عنده دوامين..ما تلحق تشوفه أو تجلس معه إلا بالويك إند,,ويصير برضو تعبان..
بس ياعيوني هذا اللي براسي هالحين..ودعواتي الصادقة لك إن ربي يسخرك لزوجك ويسخره لك..وتسعدينه ويسعدك..وأعتذر عن أي قصووور:)

بسمة براءه
الف شكر لك عيوني تسلمين لي والله يجزاك الف خير عني وعن ابو العيال
صراحه ارائك وافكارك رائعه فعلا اضفتي لي الشي الجديد
الله يعطيك الف عافيه

50 زائره والى الان مافي الا بسمة براءه بلييييييييييييييييييييييييييز ابي ردود