هل من مؤيد؟؟

اختي الغاليه..
اولا ماحد راح يتهمك بالجنون لأن التهام بحد ذاته جنون !!
شوفي عيوني من ناحية الدراسه برا اكيد لها فوايدها اللي مو متوفره في البلاد العربيه لكن حبيبتي مو ل غربه زي غيرها..
مثال بسيط انا باذن الله على سبتمر راح ابدا في جامعة تورنتو عندنا هنا بكندا يمكن اهم ميزة فيها المسلمات يمشيوا فيها بكـــــــــل حرية عباية حجاب نقاب صلاة صوم حلقات ذكر صلوات جماعه ماحد له اي دخل ولله الحمد والمنه وهذي ما انكر انها نعمه الله يديمها علينا ..
لكن مثل ماتفضلتي انتِ (فرنسا) اول شي للقبول في الجامعه عليك بخلع الحجاب وهذا شرط اساسي وللأسف الشديد فل برايك ان هذه الدرجه او الشهاده تستحق منك فعل ذلك؟؟

طيب مو مشكله لنفرض انك اخترت المكان المناسب واللي ما يجبرك عل التخلي عن اي حق من حقوق دينك ..
هنا اعطيك نصيحه مني .. انا شايفه انك مانتي مركزة على شي معين يعني دراستك انجليزي وتبي تدرسي فرنسي وبعدها تتخصصي بأي تخصص ثاني حتى لو كان علم نفس.. عزيزتي ماراح اتهمك بالجنون ولكن سأتهمك بعدم السيطرة على رغباتك الطموحيه :) في مثل جدتي كانت دايم تقولي ياه الله يرحمها (اللي يشيل اكثر من بطيخه بيد وحده مصير البطيختين انه ينكسروا ) يعني انت لو نوعتي بشكل كبير في دراستك ماراح تبدعي في اي منها وهذا مو من صالحك ابدا ..
انا اشوف (اولا) انك تركزي على عملك وتخلصي فيه النيه اذا انت المدرسه طفشانه من الماده تخيلي طالباتك اجل ياعمري اكيد بعد هم تعبانين نفسيا ..
اخلصي النيه لله عز وجل وابدي صفحه جديده واتذكري دايم انه انت محاسبه على كل لحظة تقضيها مع هذه الامانه واجعلي من صفك الصغير هذا وسيلة لرفع درجاتك في ادلنيا والاخرة ..

(ثانيا) ركزي على رغباتك اذا عندك ميول انجليزي لاتقتليها وتقولي خليني اغير .. ترا الانجليزي وحده في عندك خيارات لامنتهيه من التخصصات فيه بغض النظر عن الادب .. ممكن تدرسي عن تاريخ اللغة الانجليزي او عن اللنقويستك وتعرفي اصول اللغه كيف .. ممكن تدرسي قسم علم نفس بس له علاقه بالانجليزي مثل (كونفيرسيشين اناليسيس) او غيرها كثييييير ... بس هذا ماحضرني في الوقت الحالي .. اما انك تحولي فرع مختلف تمامااااااا هذا ما ايده ابدا لأنك راح تضيعي وقتك وجهدك وفلوسك وماراح تبدعي لا في الانجليزي ولا في الفرنسي ولا في علم النفس ..

(ثالثا) وهو الاهم انك ماتفقدي طموحك لو ماتوفرت لك الفرصه حاولي استمري ابحثي .. جمعي سعر البعثه ماتدري يمكن في يوم من الايام الله يكتب لك ياها ..

(رابعا) دايم ضعي في بالك الله عز وجل فابدي باستخارة ثم بدعاء ثم اخلصـــــي النيه صدقيني راجعي نفسك احيانا تكون نوايانا الدخاليه غير اللي واضح قدامنا وهالشي ربي يعلمه فيرحمنا من الفرصه .. مدري انت ادرى ياعمري فكري كويس يمكن فيه سبب .. مثلا يمكن تكون نيتك الداخليه انك تسافري وتنالي الحريه وتستمعي بوقتك ونيتك الخارجيه انه تاخذي الشهاده وربي عارف انه هالسفره مو من مصلحتك فحرمك منها .. طبعا هذا مثال مو اكثر .. كل انسان ادرى بحاله وصدقيني هالطريقه داييم اتبعها لما يصير معي مشكله احاول اراجع نيتي واقول اكيد في داخلي كان تفكيري غير ..

هذا اللي عندي ياه اقوله ومن قلبي ادعي لك ربي يوفقك وييسر عليك ويختار لك الخير
وشكرا على مشاركتنا طموحك واحلامك :)

هلا عمري ...رغد الحياة ..تسلمي حياتي على الرد وعلى النصيحة الي ماتدل الا على طيبتك الله يديك على قد نيتك....
حبيبتي رغ انت ماعرفت سبب تحويلي للفرنسي..عشان المنحة والله مو أكثر
اما عن تخصصي انا أحمل شهادة بكالريوس فة الانجليزي والتربية يعني انا دارسة تربوي ..أذا اخترت علم نفس مارح ابعد كثير
انا ودي طبعا اكمل دراستي بالانجليزي لكن مثل ماتعرفين البعثة لازم لها ميزانية والمادة معي ماتسمح وحاولت أدرس هنا لكن ..الله ماكتب لي
وهذ مومشكلتي انا لحالي حتى زوجي طموح وده ياخذ الدكتوراه لكن ماأحد مع الاسف يدعمه
وأخيرا اشكرك على النصيحة والله يحقق لك مناك يارب

اختي شيري

بالنسبة لعنصر انو التدريس دمرك نفسيا – فنصيحيتي انو صحتك ونفسياتك بالدنيا.

بالنسبة للمركز الفرنسي – انا خلصت ال 12 مستوى في مركزهم الثقافي الفي الدوحة بس انا مو مواطنة وما شفتهم رسلوا قطريين او قطريات الا بعد ما تفوقوا في امتحان الدلف والدالف. والامتحانين السابقين عبارة عن دبلوم في اللغة الفرنسية واجتيازك لامتحان الدالف يعفيك من سنة اللغة إذا حبيت تدرسي في جامعة فرنسية

اتمنى إني اكون افدتك

السلام عليكم
بما أنه واحدة من امنياتي اللي إن شاء الله أحققها إني أتعلم اللغة الفرنسية فأنا أويد فكرة الأخت شيري بالنسبة لدراسة اللغة بس أنا أشوف إنه المفروض تدرسي اللغة عشان تحبيها مو عشان فكرة البعثة مع إنه فكرة البعثة فكرة حلوة وتظهر طموح عند صاحبتها وإن شاء الله تتوفق و تحقق طموحاتها

سلام... هلا أخ جيلا ..ماشالله عيني عليك باردة حلوة مواضيعك ..ممكن اعرف ايش هو اختبار الدلف ؟؟!! وهل بعد هذا الاختبار يسهل امر البعثة ؟؟ لاني انا وزوجي نتمناها لان تخصصه دقيق رصد الزلازل ومستحيل ياخذ الدكتوراة هنا يعني لازم في الخارج
هلا ام يوسف ..حلو رايك ودعوتك أحلى الله يسعدك يارب..يالله ام يوسف خلينا نروح المناهل ونبدأ ..فعلا أحس ان الفرنسية لغة شيقة و مثيرة
للي اتعلموا فرنسي ..هل تعلمها صعب والا سهل بالنسبة لوحدة متعلمة انجليزي..انا كلمت معهد المناهل وأخذو اسمي وقالولي لازم يكون عندهم عدد كافي من البنات عشان تبدأ الدورة