بظظبط ربي يفرج همك

بقول لك قصتي
انا و زوجي مثل اي زوجين مره نتهاوش مره نتصالح
لكن فيه امور مره مزعجتني
طبعاً مسايرتها و ممشية الحياة معاه
الحمدلله مستوره الصدق اثنينا طيبين ومتعاونين مع بعض
لكن ما اخفي عليك مرات كثييييرة اقول خلاص مااابيه واتمنى الموت
لكن ارجع العن الشيطان اقول حرام علي اتمنى موته
لانه شعور اناني اتمنى له يموت وانا اعيش
قمت اتمنى انا الي اموت وارتاح 😂 استغفرك ياربي على هالافكار


المهم انه بفترة جاه مرض تعبه حيل
والله اني اعد الايام علشان يرجع صاحي
شلت مسئوليه كبيرة في ذيك الايام ، ما اضغط عليه بشي يسوي الي يقدر عليه
وبيني وبينك قمت اقول يارب يرجع صاحي ومتعافي ويطيب معاه همي
وسوا عمليه كبيرة وقت دخلته العمليه والله كان هممم
وبكيييت بعد ماطلع منها
المهم وبعد العمليه خذ فترة التعافي وكنت اتمنى او ادور التغيير
قد ماتعاونت وياه في تعبه تعاون معاي ويحاول يعوضني
بس انا انصدمت ان الشي الي كنت اتمناه صار معاه اسوأ من قبل 😣


ما اوصف لك احباااطي
صرت اتمنى انا الي يجيني مرض او يصير فيني شي
ابيه يحس انه بيفقدني
ابي يحس اني جادة في طلبي مو بس كلام
قمت اشوف الاشيا الي متعبتني اروح المستشفى ابيهم يقولون فيك شي صعب
لكن الحمدلله الف مره المستشفى قالو شي بسيط وامورك تمام


بعدها صحيت على نفسي
قلت ليش اتمنى الشر والموت لي وله
وليش اتمنى الامور السيئة
وحسيت ان ممكن انا الشر لهم وانا الي مخربطتهم


و ليش ما اصارحه واكون واضحه معاه اني تعبت من هالموضوع
وصارحته وشرحت له وعرفت اسبابه
جاني احباط اكثر واكثر استغفرك ياربي
فقلت انتي بتعيشين الحياة مره
شيلي نفسك وامشي بدون ما اتمنى الشر حق احد


وقررت اغير من نظرتي
بدال ما اتمنى الشر حق احد ادعي له
لاني والله محاولاتي مافادتني بشي
مالي الا الدعاء و ادعي لي الله يفرج همي ويوفقنا للخير والصلاح انا و زوجي وعيالي
لاني للاسف بكحلها وعميتها
لكن الله ابصر و ارحم بحالنا
والله يوفقنا للخييير والصالح