هل نشرتي علمك وفنك للآخرين ..... ( ياليت تشاركوني )

عن نفسي اي وحده تسالني ما اتردد بالاجابه عليها وشرح التفاصيل لها للعمل اللي سويته

لكن مرات ما الاقي اهتمام من الاخرين يعني تسال من وين اقولها انا سويته تقول ما شاء الله وخلاص تسكت ماتطلب التفاصيل

اما مع بناتي هم يحبون هالشغلات واساعدهم وايد واخذ وياهم واعطي بعض الافكار وانفذ معاهم او اخليهم هم ينفذون

ومثل ما قلتي اغلب البنات من هذا الجيل ما يسالون عن هذى الشغلات

لكن عطيهم مكياج وازياء واسامي فنانين تلقينها تجاوبج بالاجابه قبل ماتكملين سؤالج هههههههههههه

وترى انا قلت البعض مو الكل يعني

موضوع شيق للنقاش

وننتظر راي باقي البنات

:26:

بالنسبة لي أنا أعلم بنتي
مع أنها صغيرة
لكنها وايد تحب الأعمال اليدوية

أما ما يخص شيء أمتهنه .. طبعا أعتبره سر المهنة
هذا رأيي ...

اما عني .. انا لما بديت الاشغال اليدوية وكانت بدايتي مع الخرز كنت احكي لاهلي بالانترنت وبالايميلات
فكانوا ايقولون ما شاءالله وهم عارفين ان شغلي اكيد حلو لانهم شايفين شغلي في فرحي وفي كل مناسبات العيلة وبصفة اعمية اي شي القاه قدامي احاول اعمل منه شي حلو
مرات كثير كانوا ايساعدوني بس احيانا ما يتشجعون على الشغل لكون بعض الاعمال تحتاج صبررررر طويل

بس لما اجتني ماما بعثت معاها اكسسوارات لخواتي اانا مشتلغتهم
خواتي عجبهم جدا جدا جدا لدرجة انهن طلبن مني اعلمهن
وبحكم غربتي لقيت الاسهل ابعتلهم كتب
وفعلا بعثتهم وزاد حماسهم جدا جدا ان يشتغلوا بس ظروف الدراسة الجامعية اجلت هالحماس للصيف عشان العطلة الدراسية وخاصة ان وحدة طب ووحدة هندسة

بس راح اسال خواتي شنو تعليقات صديقاتهن على الاشغال اليدوية وارجع اقولكم شنو قالوا
وشنو رايهم في الاشغال اليدوية وانهم يشتغلوها

** انا لاحظت هنا في اليابان 70 % اغلبهم من السيدات وبعض البنات ايحبن الاشغال اليدوية
ولاحظت ان العربيات هنا وفي بلدي هن الكسلانات واللي ايفضلن يشترن كل شي جاهز ..
كل وحدة اتشوف شغلي اتقولي ما شاءلله روعة تحفة برافو عليكي
**اقولها اعلمك ** اتقول اكيد و ياريت وكثر الف خيرك
تاني يوم تصبح الصبح تنسى الموضوع كله
حدث هذا معي كذا مرة لذا حرمت اعرض خدمتي على اي عربية تاني

وتسلمي اختي على هالموضوع الروعة اللي فعلا يستاهل الاهتمام به والتركيز عليه

وبانتظار بقية البنات

oum raed
مشكوره على الموضوع
وبالنسبه للتعليم كنت اعلم اطفال في مراكز صيفيه وكان عاجبهم
واللي يسالني واحس انه راح يفهم اجاوبه والاقي متعه
وبعضهم اذا شافوا عمل وهم مالهم في الفنيات يقولولي شفنا كذا وهذي الطريقه
والحين اختي الصغيره ماشاء الله تحاول تتعلم وانا اقولها وبعض احيان نسوي مع بعض

مرووووووة انتي في اليابان ياااااااااااااااااي ,, بيي عندكممم

اوهايو كوزايمس ني جان ,,


ام رائد ,,

بالنسبة للتعليم ,, أعلم كل شي ,, ما عدا الأساور ,, و هي الي يفحطون ويعرفون كيف بس مفيش مجال يعرفون :D

لا تقوليلي ليش ,, بس قلبي ما يطاوعني اقول ,, اما اي شي ثاني بالعكس اشجعهم لين اعلمهم غصب طيب ,,