ياذا الموضوع اللي صرعتونا فيه
اللي تلي تقول كيفها واللي تخبي كيفها انتم لابتحملون عنها ولابتصرفًون عليها
اهجدوا عاد وانشغلو بنفسكم

وش هالاوهام والوساوس
عشانها سألتك سقطتي
ليه كنتي حتجيبي المهدي
عشان كذا كل من سألك ولا عرف بحملك تسقطي
تأكدي ربي اللي كاتبلك كذا
ولو في حملك خير كان تممه ليك
حريم تاخذ حبوب عشان تجهض ومع ذلك ربي يتمملها حملها
وحريم تاخذ مثبتات للتاسع
وبوقت الولادة يموت الطفل
كل شي مقدر ومكتوب من ربنا
لاالتكتيم على حملك يثبته
ولانشره للناس هو اللي يسقطه

طبعًا حرية شخصية للكل
بس مش بخبي حملي وبروح اتطفل على غيري اذا كانت مخبية حملها واسألها
البعض تخبي حملها عالناس وتطفل عالخلق

مابالك عاد اذا كان اول حمل بعد محاولات واجهاضات
انا اشوف انها حريه شخصيه

امي ابوي اخواني اخواتي من ناحيتي او ناحيته لازم على طول انا ابلغ اهلي وهو بيبلغ اهله

الباقين عمات خالات حريم عمان حريم خالات والله ما راح اتصل اتصال مخصوص الو انا حامل لكن لو عديت الثالث لو جات سالفه باقول يعني مثلا ليه ما اخذتي اللقاح ارد والله ودي بس ما اقدر انا حامل ادعيلي يا عمتي.. مثلا على العشا فيه شي فيه صلصه وسالتني وحده مين ماكانت ايه ما تاكلين اقولها ودي بس عشان مع الحرقان تعبانه
باختصار بعد الثالث مع ان بطني مو باينه اللي تسالني باجاوب ماراح اجحد واللي ما تسال ما راح اتصل اتصال مخصوص اقول الو يا عالم ياناس انا حامل.. اصلا اتخيل شكل عمتي او خالتي لو قلت لها قبل الثالث بتقول وش اسوي لك..
مره اتصلت على وحده من عماتي بعد الثالث وقلت لها ابشرك اني حامل هاوشتني قالت وشوله تقولين خلاص اسكتي وخلي اللي ببطنك يثبت لو جات سالفه قولي لو ماجت مو لازم

في الشهور الاخيره او حتى في النص اذا لبست ملابس الحمل خلاص عاد الكل بيشوف..
الفكره اني ما راح امشي واقول للناس بس اللي يسالني ماراح اجحد خصوصا اني تعبت مره عشان احمل

غير كذا ترا احس مره عيب اتحسس اخبار الناس حملت وولدت خلاص اللي تحمل نفرح لها وخلصنا لسا باشيل هم الناس
انا شخصيا حملت بصعوبه وماقلت الا لامي قبل ما اخلص ال٣ شهور لانه تعبانه وماااقدر ادخل او اطلع ومحد شايفني ومع الوحم صدق مالي خلق وتجي وحده من عماتي تجلس تاذي امي وتقول والله سمعنا بنتك حامل ترا حتى البسس تحمل وشوله ماتعلم انا هنا اتجنن وفي نفس الوقت لا باركت ولا شي بس كذا تتشره وطول عمرها بعيده ومو تتشره من حب كذا بس حركات حريم..
لو تحبني وعرفت من اي احد وصدق تحبني راح تتصل تبارك عارفه اني دخلت عمليات تتصل تسال عن صحتي مو تروح تأذي امي

شخصيا عمري ماسالت حملتي انخطبتي توظفتي خلاص مو شغلي اللي يصير له شي يفرح بافرح معاه



السوال الحقيقي خليك من الجنس لو كنتي حامل بتوام هل من البدايه بتقولين حامل بتوام وحملك ذا جا بعد محاولات وعمليات وتعب ؟؟ 😂 هنا التحدي الصعب

الخلاصة يا اخوات
لابد من التوعية
الاهل والاحباب العفويين يزعلوا من التكتم بموضوع الحمل بالذات باول فرحة لك لانهم متوقعين لك الخير ويفرحوا لك ويباركوا لك وبتكتمك حسستيهم انك خايفة لا يصيبوك بعين او حسد !
مع الايام بيتعلموا انه مالهم دخل والسؤال ماله داع والافضل والاسلم لهم انهم ما يسالوا ولا يباركوا عشان لو حصل مكروه ما يساء الظن فيهم
بالذات اذا وحدة ما تعرف في امور الحمل وانه يكثر التسقيط لبعض المتزوجات حديثا لاسباب صحية معينة وتظن انها عين ...
الزبدة
لا احد يسال عن الحمل ولا يجيب طاريه
لا احد يزعل من عدم الاخبار بالحمل وحطي ببالك انه ما قالوا لك مو لانه خايفين من عينك وانما كذا حرية شخصية وما يحبوا احد يتلقف ولا يبارك اثناء الحمل
تبغي تباركي انتظري حتى تولد وبعدين اذا بلغك الخبر سواء منها او من غيرها باركي او ارسلي هدية وهذا الحاصل حاليا
وصل اللهم وبارك
ومبارك لكل الكروشات وعقبال الباقين
شوفوا الام كيف تخاف وتشيل هم جنينها حتى قبل ما يولد وفي النهاية مدري كيف يطلعوا ويتعبوا اهلهم !!!
الله يرحم امهاتنا