هل نوم الطفل ع جنبه ضرر عليه طفلتي دائم تنام ع جنبها

هههههه عادي الله يصلحك لانها صغنونه ماتعرف تتقلب عشان تجرب كل الجهات

وحاولي اذا سدحتيها ع ظهرها تثبتي راسها بخداديات صغيره عشان مايجي الراس طويل من ورا فهمتيني ؟

لاتكونين موسوسه لاحقه خير

الله يحفظها لك

وعليكم السلام ورحمة الله وبركاته .

انتبهي اختي تتركيها تنام على احد الجنبين او جنب واحد فقط ..

انا كنت ببنتي ما اعرف ابد عن هالشي وكنت اتركها تنام براحتها غالبا على الجنب اليسار .

بعد اسبوعين لاحظت ان راسها من جهة الجنب اليسار فيه مثل الخفس او العفط .. ما اعرف كيف اشرحه لكن انا لما شفته انجنييييت ما ادري ايش اسوي ومحد علمني عن هالمشكلة .

رحت اشتريت لها الوساد اللي له فتحة لكن كان كبير على راسها بحكم حجمها ووزنها .

فصرت اخذ مهاد متين وابرمه ثم احوط به راسها عشان ماتلف يمين ويسار وتنام اجباري على قفاها وأمهدها عشان ماتتحرك وتقاوم كثير .

اللهم لك الحمد بعد صبر وجهاد ومعاناه لأسابيع اقتنعت انها تترك نوم الجنب .. لكن لايزال أثر الجنب موجود عليها بشكل خفيف ويارب يروح مع الوقت .

المفروض انه يكون خلف الراس حتى يكون الضرر أخف على شكل الرأس اذا كبرو بإذن الله .

فيه اشكال من هالوسادة .. هذي صورتين لنوعين كثير متوفرات بالسوق بمحلات الأطفال :







حاولي تلحقي عليها قبل مايصير لها شي بسم الله عليها .

انا شايفه اطفال من جماعتنا حصل لهم تشوه مخيف الله يصبر اهلهم ويعينهم على علاجه بسبب رفض الرضيع انه ينام الا على جنب واحد فقط .. وعظامهم لسى لينه ومع الوقت بتثقل رؤوسهم ويضغط عى العظم ويعيد تشكيله .

موفقه يارب .

الله يحفظها انا أفضل نوم الجنب لكن لازم تبديل الجهه انا كنت انيم بنتي به وحده ولاحظت رأسها أخذ شكل معين بسرعه تلاحقت الوضع الحمدلله أما نوم الظهر أفضل لما تكونين انتى صاحيه عشان تراقبينها أخاف من هالوضعيه

الله يجزاكم الجنه

عاددددي
انا بالنفاس بنتي ماتنام الا على جنبها الايمن كثير صورها وهي نايمه بالنفاس ملتفته على اليمين
لاحظت ان جنبها الايمن صار اكثر استطاله من الايسر
فصرت انومها على اليسار عشان يتعدل
والحمدلله تعدل بعدها صرت انومها على ظهرها لحد ماتقدمت بالشهور وقسى راسها وعادي اي جهه تنام عليه
والله بالصعوبه قدرت انومها على اليسار ماتبي الا اليمين
والله اردفها من ورى ببطانيه ومن قدام ببطانيه عشان ماترجع على ظهرها او ماتنسدح على بطنها


بس اذا صارت بنتك تتقلب يمين يسار عادي اهم شيء ماتخلى تنام على جنب واحد
اخوي الحين راسه جهه كبيره وجهه صغيره بسبب المستشفى
امي جابته بالسابع والمستشفى ينومونه على جنب واحد بس حسبي الله عليهم مايقلبونه من جنب لجنب
صار جهه اطول من جهه الحين رجال بالعشرينات