هل هذا اجهاض ولا مافي حمل

مرحبا بنات ..
قبل يومين نزلت موضوعي واللي كان عن انه الدورة متاخرة علي ..
آخر دورة جتني بتاريخ ٦/١١
المفروض تجيني هالشهر قبل بيومين او بعدها بيوم كذا انا دورتي منتظمة الحمدلله ماعمره لخبطت علي او تاخرت اكثر من يومين بالكثير هالمرة صار لي اسبوع مانزلت وخلاله سويت تحليل البول مرتين ويطلع معي خط ثاني خفيف ويوم سويت الدم يوم الخميس قبل امس قالي مو باين لسى ضعيف عيديه بعد اسبوع يعني لو كان مافيه حمل يقولي مافيه ولا كيف يابنات ؟
والمفاجأة الاكبر انه امس نزل مني نقطة دم وحدة بس ثم مسحت بالمنديل بشوف ينزل دم دورة ولا لا فنزل شي وردي خفيف استمريت كذا طول امس ..
واليوم صحيت من النوم ولقيت نزل مني دم بغزارة وشي منه فيه قطع وحدة كبيرة ووحدة صغيرة ..
والله انا في حيرة هل كنت حامل واجهضت ولا تحليل البول كان فيه غلط ؟
ولو أحلل الحين دم مرة أخرى هل يبين اذا كان هالشي حمل ثم سقط ولا لا ؟
أبي عشان أنظف رحمي لو كان بيظهر لي بالتحليل
افيدوني بنات قسم اني في حيرة مايعلم فيها الا الله ..
لحد الان ماعندي عيال وهالاعراض اول مرة تمر علي كلها ..
من تاخر ومن تحليل بول يظهر خطين ثم تنزل دورة فجأة ..