هل هذا اعتراض ع القضاء 💔

السلام عليكم ورحمة الله وبركاته
طفلتي توفيت وعمرها ٨ سنوات ومضى ع وفاتها ٣ سنييين لكن مو قادرة أنسى أيامها معانا رغم أني احاول قدام اخوانها ما اظهر الحزن حتى ما يتأثرون ...اختها يا قلبي عليها فاقدها بس تحاول تخبي عني مشاعرها حتى لا اتأثر .. غيرت لها غرفتها حتى تقدر تنسى وإخوانها الصغار يسألون عنها دايم قلبي يتقطع مو قادرة اصمد اكثر
ما توقعت الموت يخطف اعز وأغلى ماعندي
الضنا غاااالي😭
توفيت لا مرض ولا حادث ولا .....
اللهم أجرني في مصيبتي ...
ما قدرت أتخلص من ملابسها وأغراضها كلها موجودة لحد الان معي كتبها .. حقيبة المدرسة ألوانها ... ألعابها ... مريول المدرسة وعطوراتها وشباصاتها 💔💔
كلها في غرفتها ... سبورتها الي تتعلم عليها مازال اخر كلمات هي إلى كتبتها ما قدرت امسحها ادخل غرفتها وأشم ريحتها ... وأتذكر وجهها البرئ وكلماتها العذبة
صورها موجوده في جهازي لحد الان
حاولوا اهلي يشيلون كل شي يخصها من البيت عشان ما أتعذب بس انا رفضت مو بيدي يارب رحمتك
هل هذا اعتراض
يارب سامحيني انا راضيه بقضاء الله وقدره
والله احاول اخرج و أكون قويه قدام زوجي واولادي
لكن قلبي فيه نار ما تنطفي ... مشتااااقه لها مش قادره أتحمل يارب لا تؤخذني بدمعتي ...
ما تتخيلون نمنا بنعمه ومافينا الا العافيه سبحان الله مغير الأحوال اصحى فاقدة أغلى بشر ع قلبي بدون مقدمات
يارب اجعلني من الصابرين