هل هذا التصرف من حق زوجي ؟؟

السلام عليكم ورحمة الله وبركاته

اتمنى منكم اخواتي الحبيبات مساعدتي في هذه المشكله

هل يحق لزوجي الاعتراض على اي خاطب يتقدم لخطبة احدى اخواتي ؟؟ مع العلم أنه لايوجد في الخاطب ما يعيب و قد وافق عليه ابي واخواني واخوالي وأعمامي ما عدى زوجي لم يوافق على هذا الخاطب ان يكون زوج لاختي لسبب واحد بس انه لا يحب عائلة هذا الخاطب ولايرى انها تناسبه ...

وماذا افعل ؟؟ لانه يصير على انه اذا تم الزواج بانني لن احضر وبانه لن يعترف بهذا الزواج ولن يسمح لي بزيارة اختي اوبزيارتها لي ......... او حتى ذهابي لبيت اهلي اذا كانت موجوده ..

طبعاً انا تنقاشت معه في الموضوع هذا كثير ,, لكنه مصر على رأيه

وش الحل ؟؟

بصراحه من زمان وهو كان يدقق على تصرفات اخواتي والشيء هذا يضايقني كثير مثلاً ينتقد لبسهم لعباية الكتف مع اني انا البس عباية الراس من قبل لا اتزوجه ومقتنعه فيها والوالد والولده الله يحفظهم تاركين لنا حرية الاختيار طالما ان العبايه ساتره ومافيها اي شي يلفت الانتباه زي الالوان او الموديلات فلا مانع ...

ينتقد ركوبهم مع السائق

وكثير اشياء مثلا رنة جوالتهم اذا صادف ان وحده منهم كانت راكبه معنا السياره ...

واشياء زي كذا

بصراحه انا مليت من هالتصرررررررررفات ودي ارد عليه رد واوقفه عند حده (( ماله دخل في خواتي ماعليه الا مني )) ولا مالقى شي علي يبي بس ينكد علي ويقهرني ويضايقني بهالتصرفات ؟؟

مره احس انه يبي يكسر عيني والسلام (( مع انه ولله الحمد تصرفاتهم مافيها كسر شرف بس حنا في بيئه مره محافظه والتصرفات ذي مش عند اهله لانهم ملتزمين كثير بعادات وتقاليد اكثر من اهلي ))

ومره ارحمه واحس انه شي غصب عنه لما يقول لي (( انا اعتبر خواتك مثل خواتي وأكثر وما ارضى عليهم وان هذا شي غصب عنه لما يتضايق من بعض التصرفات ))

بس سوء كان تصرفه صح ولا خطأ وش ذنبي انا ؟؟؟؟؟؟

يعني هذا زوجي احبه واحترمه ولا ابي شي ينكد علينا

ومن جانب ثاني هذولا خواتي وماغلطوا ومن حقهم يعيشون حياتهم طالما ان ابوي راضي لهم ... ولا اقدر انفصل عنهم ولا اقاطعهم ولا أتحمل اني ما احضر زواج وحده منهم


بالله وش الحل ؟؟؟