هل هذا بخل ولا وش تفسيره؟

مستغربة جدا من الوضع
بنت خالتي متزوجة والي تزوجته قريب لها
هي متوظفة وهو متوظف بس الكل وظيفته في منطقة
الي مستغربة منه ولا واحد من الاثنين طلب نقل لمنطقة الثاني وزواجهم خذ له مدة طويلم وهم على ذا الحال
هم كانوا ساكنين في شقة بس راعية العمارة طردتهم منها بعد عشر سنوات من زواجهم وقالت بتسكن بنتها فيها وهم طلعوا وكل واحد راح عند اهله وخذ اغراضه معه
وقعدوا يمكن قريب من السنة على ذي الحال بعدين زوجها خذ قرض وشرا بيت المشكلة انه ما شراه في منطقة عمله شراه في منطقتهم الاصلية الي هي منطقة الزوجة الي تشتغل فيه ومنطقة اهله واهلها بعد
يوم فتحت البيت سوت عزيمة واحنا رحنا وجبنا لها هدية ورد طبيعي
واليوم الثاني الي بعد عزيمتها رحنا بيت خالتي الي هي امها وتفاجأنا لقينا الورد الي جبناه لبنتها هناك سألناها قالت زوجها راح دوامه وهي بتقعد عند اهلها على بال ما يجي
المشكلة ان خالتي كانت مسوية مناحة لان صاحبة الشقة طردتهم وقالت انها خربت بيت بنتها
الوضع مرة غريب هل زوجها بخيل وما شرا البيت في منطقته وهي ما نقلت شغلها هناك عشان ما يبي يدفع فواتير وعزبة وكذا ولا ايش بالضبط؟
خصوصا ان عيالها كبار في ابتدائي وقاعدين بعيد عن ابوهم
هل زوجها بخيل ولا وش السالفة