وبعدين حبيبتي هي امراءه مثلك مثلها
ماتملك لك نفع ولا ضر

لازم تسوي تفريغ كامل لعقلك من حياتك السابقه
بمعنى ،
حياتك السابقه تضغط على ذاكرتك وتحسي بأن حياتك
كلها تعب ومعافره + مشاكلك معها
فتتعب نفسيتك وكل لحظة اختلاء بنفسك بتتذكري الاول والتالي !
اكتبي كل الي تعابك بحياتك بدفتر ، اكتبي قصة حياتك
هالكتابه بتكون زي التفريغ للذاكره وبعدين اوقفي قدام المرايه واقرائي كل الي كتبتيه باحساس وانفعالات
ابكي اذا الموقف يستحق البكاء او الصراخ او الضحك
حاسبي الشخصيات الي بعقلك وقولي لهم المفروض ماسويتو كذا ، فضفضي لنفسك
وبعد ماتخلصي احرقي الدفتر بلي فيه
راح تشوفي كيف نفسيتك تهداء وترتاحي وتنسي المواقف الماضيه تمامأ

طبينتك على شراستها الا انها مسكينه وتعبانه اكثر منك
سلمت نفسها للغيره والحقد ، ف الغت شخصيتها تماما هالمشاعر ودخلت بدوامه من المشاكل معك ومع نفسها ومع ز وجها ،

حلك بيدك ،
لكن لاتسلمي نفسك لمشاعرك ، سلميها لعقلك
حياة الكيد و الحقد والحسد قصيره وماتعمر
الا تهدم البيوت العمرانه

خليها تاكل نفسها بنفسها ، اشتغلي على نفسك فقط بهمه عاليه ،
اخر اليوم خذيلك دش وبعدها كوب مويه بارد وصلي ركعتين الوتر ، النفسيه بتتعدل بشكل غريب واقرائي سورة يس ماتاخذ منك عشر دقائق او اقل

خلك ايجابيه وفرفوشه و اعكسي هالايجابيه على زوجك بمجرد دخوله عندك
اذا دخل لا تحسسيه انك شايله هموم الدنيا ع راسك وانك تفكري فيها وكيف بتعرف اخبارك ،،،،، الخ
بوسه ع راسه وانتي مبتسمه مع كلمة يعطيك العافيه
بعدها قوليله جهزت الحلا والقهوه حياك تعال خذلك فنجال ،
خلك لطيفه هينه لينه معه ، بيتك نظيف ومرتب وهادي
اولادك احسني تربيتهم ، اهتمي بنظافتك واناقتك والاهم ابتسامتك ، اشعريه بنضجك وترفعك عن الرد على اساءة زوجته لك الي هدفها خراب بيتك
كوني مصدر راحه له ،
اسمعي له ، ترى الانسان دائما يحب الشخص الي يستمع له

لا تستنزفي طاقتك ومشاعرك معها ، وجهيهها لبيتك ونفسك و زوجك

ولا تنسي ركعتين الوتر والله من تجربه راحه نفسيه عجيبه

الله يسخره لك يارب
.
.
.
.

لاتزعلين أنتي ضعيفة شوي ولا وش لها دخل بك إحشريها ولاجت تبي تجيك قولي مشغوله وخلي 24ساعه بيتك مرتب وأطفالك عشان حتى نفسيتك تزين ولاتعتبرينها موجوده أصلا إعتبري نفسك زوجته
الوحيده دلليه وحبيه وإذا ماراح تنسين المشاكل مستحيل تكملين إنسي إبدي يومك بقرانك وبصلاتك والأذكار لاتتركينها ولاتعلمينها وش تبين تسوين ولاوين تبي تروحين خليك كل شي سويه ع الصامت النوعيات هذي ماينفع بها الا الخرش خير ياطير ولو تطق الباب للصباح لاتردين ولاقولي من ورى الباب مشغوله وخليها تولي

ادعي الله دائما ان الله يشغلها بنفسها

الله يجزاكم خير يا بنات ع الكلام الجميل اللي يهدي بالواحد لجميع من ردة الله يسخر لها من تحب ويغنيها عن العالمين
يا بنات بعد هالتكنلوجيا الجديده والجوالات الجديده صار التجسس والاختراق حتى للجوالات سهل للناس اللي ما تخاف الله الله يكفينا شرها لكن يبنات اذا هي حاطه شي تجسس في بيتي وين ابحث وكيف ألقاه واذا تدخل في بيتي كيف أعرف أنها دخلته وكيف اعرف ان معها سبار صح يابنات عندي مجموعة مفاتيح لبيتي وضاعت للحين ما لقيتها قلبت البيت فوق تحت ما لقيتها شكيت فيها بعدين قلت مو لهدرجه عاد لا طبعي يستنقد هالامور الدنيء ما أصدق أن الناس تسويه ولا تذكرت حركاتها وتسوي أي شي لإرضاء نفسها ومصلحتها وإشباع فضولها قلت يمكن أخذتها هي ليش لا .يعطيكم العافيه بنات طيب ابي طرق أحكم فيها أعصابي وابعد الخوف والوسوسه وابعد الشك في زوجي انه ما يحبني وكذا مخليني هالتفكير ما أعطيه وجهه إبداء. أسفه بنات ازعجتكم لكن تكفون اكتبوا أي شي نصائح وارشدوني واللي ما عندها شي تدعي لي وترفع الموضوع

الله يفرج همك مالك الاالدعاء واحنا الان بوقت عشر الأواخر تحري ليله القدر كل يوم صلي التهجد بالبيت وادعي ربك واكثري الاستغفار وشغلي سوره البقره والرقيه بيتك وبإذن الله مايخلص رمضان الا وربك كا تب لك الشفاء