هل هذا تصرف اهل؟

حبيت افضفض حاجه بخاطري ..انا قبل كنت ساكنه بمنطقه بعيد عن اهلي اشوفهم فقط مره بالسنه تعب ولدي الكبير ونقلت للمنطقه اللي فيها اهلي..وقبل كنت مع جاراتي والبنات جمعات وسوالف اللي تفقدك تسال عنك وتتطمن عليك....نقلت ومن قبل مانقل امي تتصل كل يوم تسالني عن اثاثي نقلته والا لا القصد روحي شقه ماتجين عندنا فهمت الوضع ...ونقلت اثاثي وسكنت ماشوفهم الامره كل أسبوع او أسبوعين لان زوجي باقي يراجع أوراقه بمنطقه عمله على هالحال نص سنه واكثر ذبحتني الوحده كثير كنت ابكي انا عندي بس ولد الكبير وبنت وبيت اهلي كبير دورين يركض فيهم الخيل...ونقل زوجي وبديت اجمع بس اللي لاحظته يجونك بس لاتجين أحيان ودي اسلم أكون قريبه من البيت اكلم اختي تقول امي تعالي الويكند مدارس مع العلم كلها ساعه وبمشي.....عشا ماعمري طول ثلاث سنوات قالو تعالي تعشي وسولفي....ينادونك فقط بالمناسبات ....اناديهم واسوي سفر واجمع برمضان أحاول نتجمع رفضت امي بحجه أطفال مع العلم تكره الأطفال وماتحن لهم...ولدي أحيان وااظلمهم يستهزءون بحركاته لانه تعبان وعنده حركات غير طبيعيه وش أقول عن الأشياء اللي تحرق القلب ...اختي الثانيه متزوجه هي مسموح لها تنام عندهم واي وقت تجي .....يوم الجمعه اللي فات انتظر احد يكلمني عشان السمره ماحد كلم اشوف بسناب يرسلون جالسين بالحوش وفاكينها سوالف وقهوه..مع اختي عندها ولد..اعرف مايبوني وان عندي ولد تعبان بس مو ذنبي موين اللي لك غير اهلك وهالمنطقه كل وأهله وجاراتي اجنبيات ....اتضايق كثير واشوف سنابات قهوه البنات عند امهم وتجمعهم ابكي ...لاتقولون روحي اعرف اللي يبيك يكلمك ويسال عنك لكن اللي مايبيك يوضح لين سمعت وحده من خواتي وقالتها لي بلسانها تقول امي لاتكلمونها عشان ولدها مايزعجنا ...لاتقولون خلي ولدك بالبيت انا عندي اللي مايبي عيالي مابيه حتى لو اهلي....ويكفي التطنز والهمز من امي وابوي من وضع ولدي...هذا موضوعي وابي رايكم