هل هذا شي عادي

السلام عليكم
حبيبتي بقول لك هونيها وووووووووووووو لا تهونينها

بمعنى إذا كان زوجك يسوي كذا عشان بس يتقيوى عليك ويوري اخوياه انه القوي ,,,,
مشي الموضوع لحد ما يمر على زواجكم فترة وهو لحاله بيعقل و انتم بتقربون من بعض أكثر و بتختفي هالأعراض .

أما إذا كان لعاب وحق فساد فانتبهي لنفسك قبل ماتتوهقين باطفال .
لكن لازم تتأكدين من الوضع زييييييييييييييييييييييييييين قبل اي تحرك
أما كيف تتأكدين فهذي يبيلها وقت وجهد و معاونة
لازم تستعينين باخوانك او بابوك ( مهوب يتهاوشون معه ,,, لا بس يشوفون هو وين يروح
و وش يسوي
إذا كان ماعنده فساد ,
فزي ماقلت لك هذي أعراض يتعرض لها كثير من الأزواج في بداية حياتهم ,
يعني يسوون أنفسهم سي السيد اللي ما تهمه الحرمة ,
وبعدين بعد العشرة يجي التفاهم وينصلح الحال بإذن الله .

المهم ماتكبرين الموضوع قبل ما تسوين كل جهدك في فهم زوجك و اكتشاف نفسيته و اتجاهاته .

الله يوفقك ويسخر لك زوجك ويصير مايطيق يفارقك حتى ساعتين .

قويه كل 3 شهور يسافر طيب وين يروح مع اصدقاه كل مره يروح لمكه
ما ادري ما نبي نظلم احد
بس ما فهمتينا وين يروحون هو واصدقاه
وليششششششششششششش السفر الكثير هو تاجر او يشتري بضاعه
بصراحه ما فهمت زين

لا حبيبتي مو عادي بس دايم أول سنه العرايس مابعد أخذوا على بعض هذا إذا يحبك وتحبينه...

أما لو مافيه محبه الموضوع يختلف..

ادعي ربك يسخره لك.. ويسنع أمرك

وماشاء الله المنتدى ملئ بالحركات اللي تجذب ال :arb: لبيته وزوجته والبنات ماراح يقصرون

في مساعدتك.. وفقك الله..

لا والله مهوب عادي

الله يسخره لك تسخير السحاب يالغلا

اللي اعرفه الرجال يتهاوش مع الحرمه علشان تسافر معه لديرته !!

انا اتوقع انه موب عادي اذا كل ثلاثه شهوور ومايقولك بالضبط وين يروح ووش يسوي
وزي ماقالو الاخوات ترى بعض الازواج في البدايه كذا يعني يسوي نفسه انه يمشي على كيفه
وانتي بتعرفين لو من اشياء بسيطه مثلا ملابسه شنطته واهم شي جواز السفر انتي شوفيه من غير مايحس فتشي اوراقه اللي بجيبه او سيارته تعرفين وش سوى ووين سكن صدقيني من اشياء بسيطه بتعرفين من غير ماتكبرين الموضوع وانتي ناقشيه قبل سفرته بأسلوب حلو واطلبيه تروحين معاه واذا ماوافق بيني له باسلوب حلو انك خايفه عليه واطلبي منه يثبت لك بأي طريقه انه مايسوي شي غلط
اذا كانت سفرته ضروريه سواء عمل او عمره ولا تدخلين الاهل ابدا في هذا الموضوع الا اذا حسيتي انه متمرررد بالمرره
والله يسعدك ويوفقك