غييييير صحيح


الكارديو اللي هي تمارين الطاقه مشي او جري او نط حبل او دراجة او سباحه اس تمرين يخلي دقات قلبك تكون سريعه هو الكارديو ماتحتاجي فيه اكثر من ٢٠ دقيقه سواءً مبتداءه او ماهره وممكن تمديها لنص ساعه

سرعه عاليه او متوسطه


والمقاومه ماتحدد بالوقت تحدد بعد التكرارات وبأجزاء الجسم يعني ممكن تاخذ منك نصه ساعه او ساعه على حسب


وانا رأي ابتداءي المشي بسرعه متوسطه حتى لو انك مبتداءه
والمفروض ان المدربه تعطيكي جدول لتمارين المقاومه

يعني مثلاً
يوم تمرنين الجزء السفلي وكارديو
ويوم راحه من المقاومه ولكن كارديو فقط
ويوم الجزء العلوي وكارديو
ويوم راحه من المقاومه وكارديو فقط
ويوم الجزء الاوسط وكارديو
ويوم راحة من المقاومه وكارديو فقط


ودائماً تبدائي بالاحماء اي بالكارديو ثم المقاومه

كلام مدربتك غير منطقي كيف ساعة كاملة كارديو سواء كنتي مبتدئة او متمرسة هالشيء بيجهدك بدنيًا وبالتحديد العضلات
لأن الحد الأدنى لتمارين الكارديو لخسارة الوزن 30 دقيقة والحد الاعلى 45 دقيقة
والحد الأدني لتمارين الكارديو للمحافظة على الوزن واللياقة البدنية 15 دقيقة والحد الاعلى 20 دقيقة

والسرعة البطيئة اوالثابتة ماراح تعطيك نتيجة قوية مثل السرعة المتوسطة والمتذبذبة
بمعنى مشي سريع لمدة دقيقتين وبعده هروله او ركض لحد ما يزيد معدل نبضات القلب وللمدة اللي تقدرين عليها
وبعده ترجعين للمشي السريع لينخفض معدل نبضات القلب وترجع لمستواها الطبيعي وبعده تهرولين او تركضين
وتكررينها لحد ما تخلصين الوقت المحدد
بهاذي الطريقة يرتفع معدل الحرق ولا يبقى على مستوى ثابت


ومن ناحية تمارين المقاومة
فعلًا لازم تبتدين بأوزان قليلة لتتأقلم العضلات وتعرفين تطبقين التمارين بشكل صحيح
وبالتدريج تزيدين الاوزان وتحدد على حجم العضلة والهدف المطلوب وبرضو يطبق على عدد الجولات والعدات

وضروري تسوي لك جدول أسبوعي لعدد الأيام اللي تتمرنين فيها
وتوزع العضلات بحيث يكون كل يوم عضلة كبيرة ومن عضلتين لثلاث صغار
العضلات الكبيرة:
الأكتاف,الصدر,الظهر,الأرجل
العضلات الصغيرة:
عضلات الذراع(الباي والتراي),السواعد,البطن,الخواصر,السمانات


والأفضل تبتدين بالإحماء من 5 إلى 10 دقايق مشي سريع للتتهيأ العضلات وتنشط الدورة الدموية
وبعدها تمارين المقاومة
(وانتبهي لا تنشغلين بوقتها في اي شيء ثاني ركزي في تمارينك وحركة عضلاتك )
وبعد 5 دقايق راحه
تمارين الكارديو
وبالأخير تمارين تمدد لتبرد العضلات وتسترخي


هاذي ملاحظاتي على كلام مدربتك"الشاطحه"


والله يقويك ويعينك وتوصلين لهدفك وإنتي بأتم صحة وعافية.

الله يسعدكم يارب وجزاكم الله خير

آمين وإياك..

ساعتين كثير جداا خاصة كمبتدئة راح تملي من اول يوم ولا ترجعي للنادي احسن شي من 10 د وتزيدي شوي شوي بس سااعتين فعلا شي واااااوو