هل هذا عدل

السلام عليكم و رحمة الله و بركاته

بنات ارجو رايكم يكون في صلب الموضوع و حسبي الله و نعم الوكيل في كل من تحاول تقهرني
انا زي ما انتو عارفين اخذت متزوج و عندي 3 منه و الله بحفظهم لي و يوفقهم
الي ما تعرفونه اني عايشه بشقه ايجار صغيره و طلعت من بيتي الكبير لان صاحب البيت بغى بيته و بصراحه كان مبلغ الايجار فوق طاقتنا
كذلك زوجي مديون ب 2 مليون ريال
و مسوي تجاره بهالديون و للحين ما دفع ربع او عشر ديونه
و كذلك زوجي ما عنده وظيفه يطقطق هنا و هنا
الحمد لله على كل حال
ضرتي ساكنه في بيت حلال لزوجي صغير 300 متر
و عليها بالعافيه مو هذا القصد
القصد اني والله ثم والله خايفه من بكره
لو غمضت عين زوجي و هو ما سدد ديونه وش بيصير فيني و في عيالي
احاتي و افكر بيت ما سويناه ارض ما شريناها راتب تقاعدي مالنا
و زوجي مبذر الي يجيه اليوم يروحه بالعزايم و الفشخره التافهه
والله يا بنات حتى مع البرد اتعمد ما نروح انا و عيالي الا مستشفيات حكوميه
و ضرتي ما تروح الا عند اكبر الاستشاريين  مره فيها التهاب مره الدوره متأخره مره فيها  اشياا ما تنقال هنا طبعاً انا والله مو شمتانه الله يكون في عون الجميع هذا الحريم و بذلك ما تروح الا ل اكبر المستشفيات ليش؟؟؟

تقول ضرتي لسلفتي انا اتعالج عند الاستشاريين عشان الفلوس ما تروح لي و لعيالي
وهذا مفهوم غلط غلط احنا مو كذا
و غير كذا اذا احد ولد من اهلها تاخذ 1000 من زوجي عشان تهاديهم
وانا اصرف من عندي من حافز او من بقايا مصروف لي مجمعته او من اخواني كل سنه يعطوني للعيد 2000
و هي والله عندها حافز و ابوها مو مقصر معاها و فوق كل هذا لو جابت شي ب20 ريال غرمت زوجي
بنات ابي راي سديد الحرمه مستغله زوجي و زوجي الله بالخير
و خايفه على وضعنا و خايفه من بكره
حسبي الله على كل وحده ترد رد يجرحني 
انا اقتصاديه مع زوجي لا ابعد حد و هي طلباتها و استغلالها ما يوقف
شوروا علي