هل هذه الأشياء متعمدة والله قمت أشك

السلام على الجميع
كثير نفسي يشتكون ويمكن العن مني شي يحوم الكبد
هل هو حسد؟!
او من غير قصد ؟؟
طبعا تتسألون عن ايش أتكلم
اتكلم عن تخريب العاملات للأدوات الكهرابائيه وتكسير التحف وتمخيش المواعين الستيل بالسلك الخشن وخذو من الأشياء
ومو بس انا كثير يشتكون هل هو متعمد هل هو حسد ولا مساكين مايقصدون طيب ليش انا الشي يجلس عندي سنوات مايخرب وهن من يجون يخربونها بظرف أسابيع
عندكم انا مثال
اول ماجت المكنسه الكهربائيه خربتها
صلحناها ماتتصلح وخليناها تكنس بالمكنسه اليدويه كنوع من العقاب مده شهر واشتريت. ثانيه
خلصنا من المكنسه الغساله خربتها ونصلح وتخرب وتصلح وتخرب ونصلح الحد مالجأنا للغسيل اليدوي غسيل الطيبين طاسه وش كبرها وادعكي في ذا الملابس
التحف وااه من التحف كسرت لي٣ تحف ومخشت طاولة عندي رخام تهبل مخشتها لي وكسرتلي طاولة خدمه قزاز اتفاجئ الطاولة مكسوره كلها شطوب
وسدادت البانيو وااضح مدخلتها جوى البانيو بالقصد اتفاجئ بتروش المويه ماتصرف السبب سداده المويه مدخله جوى عالقه ما اقدر اطلعها
هذا غير راديو عندي بالمطبخ اذا صحيت من النوم اشغله اسمع الاخبار اذاعت قرأن احب حسه جوى المطبخ اعشقه ابد شهر فرحت فيه ذاك اليوم بشغله خرب وشلون خرب مدري اتفاجئ جواته ماء وهو جنب البراده حاطته واضح وهي تبدل المويه انكب عليه
ومره اصحى من نومي افتح الثلاجه الاقي الثلاجة حااااره العامله مطفيتها ونرجع نشغلها
اخواتي من خلال خبرتكم من خلال تعاملكم اسألكم هل هو عن قصد او استغباء او ماذا صرت اهدد بالراتب واخصم ولافيه فايده مااشوف تحسن
انا اللي دايم افكر فيه هل هو من قصد هذا اللي ذابحني واذا عن قصد لييش لييش ؟؟
استعجب من ذا العاملات والله استغرب نفسي افهم وش في بالهن
والله يعطينا خيرهن ويكفينا شرهن