هل هذه الطريقه صحيحه لمعالجه شعري التالف

سلام أنا دشيت ارد لان انت تقريبا نفس مشكلتي أنا بعد شعري كان وايد طويييييييييييييييل و كثيف و ناعم و يضرب له المثل :D بس تنحست و رحا اقصه كل ما يطول اقصه بس الحمد لله و لا مرة صبغته لاني اؤمن بالجمال الطبيعي يعني الله عطاني لون شعر مناسب لعيوني و بشرتي و ما احب اغير ابدا لون شعري :D والله ما افهم ليش الحريم مهوووووووووووووسات على الصبغ خخخخخخخخخخخخ جاية تعطي مواعض شو مفكرة نفسي :D

المهم حبيبتي انصحك بتزييت الشعر بزيت باراشوت هذا زيت نارجيل هندي اصلي علبته بلاستيكية زرقاء انا كل كا اغسل شعري ازيته و احطه يوم او يومين عادي و اليوم اليابغسل شعري فيه احط زيادة و احط معه زيت زيتون و خروع طبعا لاني مو متزوجة و الحين اجازة ماخذة راحتي ازيت شعري لاني اريده يطول بس الحمد لله شعري طول صار لين نص ظهري و ناعم وبالنسبة للتساقط حاولي تتغذي زين و تستخدمي الوصفات الي بها بيض أنا اخذت وصفة من ها المنتدى لاحد العضوات أغسل شعري بشوية شامبو اخلطه بالبيض و ما شاء الله الحين ما يتساقط

لا تحاولي تصبغي شعرك الا بعد ما تعالجيه اول لان الصبغات فيها مواد كيميائية ضارة و بعدين الي تقول الاشقر ينعم هو مو ينعم بس يبين انعم لان الصبغة افتح اعتقد كذا

اسفة اذا طولت و اتمنى تستفيدين :27:

البعيدة جدا سبحان الله زي معاناتي كان شعري وش زينه
وتهورت وصبغته بعد ما كان مضرب المثل بالجمال يالله يا أختي لنا الله
لكن أعتقد أفضل حل الزيوت والكريمات اللي ترطب الشعر وترجعه زي ماكان
ونصيحة أختي لا ااا تصبغينة مرة ثانية أنا صبغته بلون ما عجبني وحطيت اللون الثاني بعده على طول والله إنعدم زيادة
ومالنا إلا الله ثم الزيوت والخلطات الطبيعية عشان يطرأ شوي وأفضل زيت هو زيت الزيتون....تحياتي لكِ

بنات أنا بعد نفسكم
والله كل مشاكلنا وحدة


أنا كان شعري لنص ظهري
قمت من نحاستي أقصه لأني شفت قصة أصالة فعجبتني ( قاعدة أتخيل شعري نفس شعرها ) ونسيت انه شعري مب ناعم( جاف وفيه تموجات بس مب خشن وايد)

بس عقب ماقصيت شعري











انصدمت
لا يرتبط ولا شي

وأهلي يقولون لي : مشطي شعرج
أقول لهم : حتى لو مشطته ما بيتعدل لأنه ما ينربط

واختي تقول لي : ليش تفلسفتي وقصيتي ؟ على الأقل كانت الكشة بالأول مربوطة وما تنبان

بس الحين
انكشف المستور.............وظهر الشعر على حقيقته المرة

البعيده جدا

لا تصبغينه بتعدمينه الحل استخدمي المايونيز مفيد كثير للشعر المحترق انا ستخدمه مع حنا بس مشعارفه اذا يفيد مع الشعر المصبوغ

جمال الروح
انا جتني عين بشعري احترق الله لا يرويك كله واضطريت اقصه في بعض الاماكن طول شفتي اول جزء في الاصابع طوله تصور ما اقدر امسكه لكن بفضل الله وخلطات بعض البنات طول بشكل بطيء بس ربنا لك الحمد من شهرين استخدمت خلطتي من صنع يدي الحين شعري صاير يطول وينعم الحمد لله مافي تساقط ولا خشونه

شكرا لكم ولتعاونكم معي
واكيد ما راح اصبغ شعري