هل هذه العلامات تبين ان الشخص ما يبيك .....شرايكم

السلام عليكم
اذا كنت بصداقه مع شخص ، وهالوحده مثلا دايم اذا اهداها احد تحط الهديه بالسناب وتشكره ولما تهدينها ما تحط ، هل اذا مثلا اذا خرجت مع احد تكتب مع فلانه لكن انتي ماتكتب
هل معناته مستحيه منك ومن معرفتك
او انتي فارضه نفسك عليها
او ماتبي احد يعرف بصداقتكم
مع انها هي كثير تبادر وتعزمك
لكن تعزمك خارج بيتها و مش بمناسبات خاصه ببيتهم
يعني طلعات كوفي ومطعم
مدري هي حبيبه وطيبه وكريمه
لكن هالامور استغربتها
صار لي موقف كذا مع وحده من صديقاتنا كانت شايله علي وشكلها تبي تنهي الصداقه بيننا بس مافهمت كانت نفس الشي تخصصني من السناب تمتنع عن انها تحط صور هديتي مع انها تنزل للقروب كله وتشكرهم اذا زاروها
وانا مافهمت الا لما قالتها صريحه انها ماتبي صداقتنا
واحرجتني قدام الكل تمنيت انها قايله هالشي بيني وبينها
بعدها مسحتها من وسائل التواصل واحترمت رغبتها وقطعت كل شي يربطني فيها الا القروب الي نجتمع فيه احباري نشوف بعض ونسلم رسمي مع انها كانت اكثر اخت من قبل وكنت احبها حب كبير واعزها وهي كذلك
عشان كذا مابي اغلط نفس الغلطه ، وابي اعرف مكانتي وقدري عند الاخرين ولا ارمي نفسي او افرض نفسي عليهم واعرف متى اتراجع
هل العلامات الي ذكرتها لكم مسبقا دليل ان الشخص مايبيك بحياته
وشكرا