هل هذه ثعلبه

لازم تاخذيه للطبيب
العلاج الشعبي لها هو فركها بسبيرتو و تركها من دون ماء ثم بعد 4 ايام حفها بقماش و فركها من جديد و هكذا و عندك ايضا الثوم
السبيرتو مجرب
و سلامته و الله يشفيه

الله يجزاكم خير يارب اللي رديتو علي والله أني خايفه لإن ولد عمه ما خلوا علا ج لا طبي ولا شعبي ألا وجربوه لا كن بدون فايده حتى الثوم وخل التفاح جربوه بغيت أخت orkidia وش هو بسيبرتو وين ألقاه وش معنى حفها بقماش معليش تحمليني

السبيرتو هو الكحول المطهر اللي بالصيدلية96 درجة
و حفها يعني فركها
و اهلا و سهلا فيك

أختorkidia ما قصرتي يالغالية على هالمعلومة والله يجعله في ميزان حسناتك يارب أبجرب السيبرتو و إنشاء الله يجيب نتائج زينه

الغاليه اوركيديا على الارجح انها ثعلبه
اذا كانت جديدة براسك فعلاجها اسهل باذن الله
لكن نصيحه مني من تجربه انه لا تاخذي ابر كرتوزون خاصه اذا كانت الدائرة صغيره مو مره كبيرة لانه الابر توجع ومفعووولها بطييييييء

انا طلعت لي بيوم وليله بشكل مفاجيء بمقدمة الرأس بس من الجنب وكانت صغيرة مره لكن اتبعت علاج شعبي لها (لسبيرتو ما اعرفه يمكن الاخت جربته وجاب نتيجة معها وهاي معلومه جديدة بالنسبه لي)
اللي انا استخدمته التالي
روحي عند العطار قولي له ابغي التالي:
1) كبريت اصفر قطعة صغيرة بس يجي مثل الحجر لونه اصفر
2) زيت زعتر بس شرط يكون اصلي (ممكن تستغني عنه)
3) ثوم

وطبعا مثل ما ذكرت الاخت قطعة قماش وكل شي لازم يكون معقم اناصراحه كنت استخدم شفره معقمه وكنت اسوي تشطيب بمكانها من قدام بنفسي بس طبعا تشطيب خفيف جدا وبعد كذا افركها بثوم بس مو مره قوي عشان جلدة الراس ما تسود طبعا يحرق كثير وثاني يوم ما اشطبها ولا الثالث اصير بس احفها وافركها بقطعه خشنه شوي نظيفه ويوم احط ثوم يوم احط زيت زعتر لكن نقطه نتفففففففففه بس لانه ايضا حار جدا بس نقطه تمسحي النقطه اول على اصبعك بعدين تدعكي اصبعك على مكان الثعلبه

لكن صار معي شيء ثاني بعد ما دعيت ربنا وانا اصلي من كثر ما كنت خايفه انه تروح مني الثعلبه خاصه طلعت لي قبل الزواج ونمت ذيك الليلة وشفت حلم واظنه رؤيا

شفت نفسي في الحلم اقول لنفسي يعني احدث نفسي بالحلم واقول انه هذي ثعلبه والرسول صلى الله عليه وسلم مدح بالحناء وصحيت واول شي لما صحيت خطر على بالي اني لازم احني شعري وفعلا جبت حنه زينه اصليه الحنه الحمراء وحنيت شعري اول اسبوع حنيته وحطيت مع الحنه ثوم مدقوق وخلطته وبعدين حطيت على كل شعري وركزت على فروة الراس ومسجت راسي بالحناء وتركته ثلاث ساعات وبعد اسبوع رجعت حطيت مره ثانيه والله يا اختي انه بعد المره الثانيه من الحناء طلع الشعر عادي وما عاد رجعت لي الثعلبة الى يومي
هاذا الكلام قبل حوالي سنه وشوي :)

وانتِ راجعي الطبيب عشان يحدد لك هل هي ثعلبه ولا لا مع انه الارجح انها ثعلبه
وجربي طريقة الاخت اللي كتبت فوق
وجربي الحناء واخلطي معها ثوم

وان شاء الله يفيدك يا الطيبه ولا تفكري كثير وتقلقي خلاص يا طيبه لانه الثعلبه تتاثر بالحالة النفسيه واحيانا تطلع بسبب حالة توتر قوي