هل هذه حقيقة زوجي ام اوهامي انا😢😭😭

السلام عليكم حوائيات
اخباركم
انا متزوجه من ٣ سنوات ونصف
وعندي ماشاء الله بنت وولد

متزوجه وعمري ١٨
وزوجي عمره ٢٩

المهم انا يتيمة الاب وضروفي سيئه انا على قدر كبير والحمد لله من الجمال والسنع والمرؤه ..
وماامدح روحي لا بشهادة الكل وكنت من عمري ١٥ الناس يخطبوني
اخواتي وعلى كثر الي يخطبوني للأسف ولسوء حال اهلي بعد وفاة ابوي وبدون علمي راح احد اقاربي الله يهديه وكلم زوجي وعرضني عليه وللأسف ماكنت ادري وحكاله حتكسب فيها اجر وكذا 😩
المهم تزوجت وكان خطبتي بكاء وملكتي بكاء وحصلت يوم الملكه مشكله بين زوجي وعمي
وعمي كان شرط المعاشره بالمعروف وزوجي عصب ليش يشرط عمي الشرط هذا وانا مادريت بالمشكله الا لما جبت بنتي
خواتي من تزوجت زوجي وهو مقصر علي بشكل كبير
حتى تخيلوا يوم زواجي ابكي ودي اروح فندق مثل غيري ولما كلم خالي اخو زوجي واستاجر لنا ..
بنات من تزوجت زوجي والى هاليوم وهو ينفخ علي ويقصر علي ويبخل علي يعني كم مشكله يسويها لما اطلب فلوس ولما جيت باولد اولادي باهلي كان يعصب ويجرحني ويقول انتي تبغي تصرفين فلوسي المهم خواتي والله مااطلبه شيء الا يحتال علي مثال واحد لما خرب جوالي وصار مايشتغل وكنت حامب طلبته جوال ورفض وقال راح اشري جوال لي واعطيك جوالي القدييم
وعصبت عليه وجاي لي جوال بالحسره
شيء واحد وغيره اكثر
وهو يجلس دائما يحطمني يستنقص من اخوالي وامي واهلي صحيح اول كنت اسكت له بس الحين ارد عليه الكلمه كلمتين واسكته
والمشكله انه رجل ملتزم واستاذ جامعي معروف بمحاضراته ودروسه ...
حتى السفر تخيلوا يمن علي يماطلني في تاخيره ويكذب علي لما اطلب فلوس منه وهو راتبه ١٢الف
وبيتي والله يفشل ماكأنه بيت دكتور بالجامعه لا اثاث يفتح النفس ولا شيء
الي رفع ضغطي قبل كم يوم يقولي بنسافر السنه االجايه كلنا احنا واخواني سواء قلت لا السنه الجايه انا ابسافر برا زي غيري قال لا وشوله ماله داعي قم صار نقاش طويل وسألته قلت بصراحه ليه ماتبغى تسفرني برا عشان التصوير
قال لا عشان فلوس التذاكر غاليه ومايستاهل الواحد يصرفها يقول لو انا لحالي صح اسافر لكن يقرل أنا اشوف السفر بالحريم ماله داعي لكن يمكن بعدين أغير رايي واسافر بالحرمه 😳
هنا أسكت وفهمت قصده
فهمت انه عايش حياته معاي تسكيته وانه مو راغب فيني واكره مايشوف انا ولا يحبني فعشان كذا يحتقرني ويرا انه ماله داعي يصرف الفلوس على وحده مثلي
وفهمت منه انه ينوي بعد فتره يتزوج وحده ويسافر فيها ويتخسر لعيونه


انا يابنات اكتب لكم وانا مجروحه منه
أخاف أضيع عمري على واحد مايبغان وينوي بي نية السوء وانه يسكت حياته معاي ويتزوج بعدين
لأنه كلما جبت له طاري العمره لمكه يقول وشوله نسافر ويبداء يمن علي تراه ماراح اسافر بك الا مره وحده تراه تراه ..مالي خلق الإزعاج اصلا السفر ماله داعي احسه صرف على غير فايده

والله يابنات ماقصرت معاه يشهد ربي وفرحت لما جبت ولدي
قلت يمكن يتغير بس ماجاب له خبر بتقولون بخير اقول فيه بخل لكن مره رحت معاه واهله لمطعم والله انه طلب لهم من كل الأصناف ولا انساه
والحين يدور شاليه عشان اهله يبغون ولا فكر فيني
وأخته لما ولدت راح بسرعه يشريلها هديه واختي ماطل فيني ٣شهور
بنات ابغى حل غير الطلاق
وحل حكيم هل اواجهه
هل اخبره عن الي خطبون وقصص خطبتهم لي
هل أصارحه باأفكاره واواجهه به




انا بعدين يمكن اطلق لو كان نيته كذا لكن بعد مااكون نفسي ويكبرون عيالي شوي ..
لأني اخاف عليهم من اليتم واحيانا اقول اصبر عشان عيالي يطلعون بوجه ابوهم ومع انه ماشاء الله اشوفه يحب بنته احسه يصدقه الحب زي مايحب خواته وامه لكن احسه انا يكذب علي
وتخيلوا بعد زواجي بشهرا. كان يقاله يمزح علي يقول بعدين تعجزين واتزوج
المشكله انا توي داخله العشرين وصايره كاني عجوز.
الله يهديه ويسامكه ويسخره لي 😣