هل هذه علامات غباء؟؟

السلام عليكم ورحمة الله وبركاته

عندي اسئلة يمكن المجربات يجاوبن .. هالشي محيرني ومخليني قلقة..

بنتي عمرها الان سنة و9 شهور .. لا تتكلم كثيرا .. بالتفصيل تقول :
بابا
ماما
ممو : اخوها اسمه مؤمن وكل بيبي مثله تقوله نفس الكلمة
امممما : محمد ابن عمها وكل ولد في عمره
نووو : نور بنت عمتها وكل بنت في عمرها
اوووى : اروى بنت عمها وكل بنت كبيرة في عمر اروى..
بتقول بوووو :يعني مية
ديدا : يعني زيزا يعني رضعتها !!
كوكو : على الدجاجة والطيور بصفة عامة
نيام : تقصد مياو اي القطة

ومرات مرات تقول : تلاتة تقصد الارقام .. اي رقم هو ثلاثة عندها ..

بيقارنوها ببنت عمها وهي ندها بينهم 4 ايام بس وما شاء الله بتسمي الاسماء كلها وبتعيد الكلام اللي بيقولوه الناس.. بنتي لا تكرر بعدي واحيانا تطلق كلمة لوحدها وماعاد تعيدها.. الناس يقولوا من التلفزيون، بس انا ما بخليها لوحدها عالتلفزيون بجلس معاها واتفاعل واسميلها في اسماء الشخصيات والالوان في قناة براعم، وغير هيك اصلا هي نادرا ما تقعد عليه لوحدها دائما تتبعني وين ما اروح بالبيت .. وكمان باحكي معاها لما ادوشلها و لما اغيرلها حفاظها والعب معاها واحيانا بفتحلها رسوم تعليمية عاليوتيوب واحكيلها كيف تقول .. بس مافيش تفاعل كبير ..

شريتلها كتب خاصة بسنها واحكيلها على اسماء الاشياء بس ما تكرر كلماتي .. هي تعرف كل شي.. مثلا لما اقوللها وين الكورة تشوفلها على طول بس ترفض تأشر عليها بصبعها!! وكذلك في باقي الاشياء.. ولما اطلب منها تشيل حاجة عالارض او تجيبلي شي احيانا تستجيب واحيانا لا .. مش عارفة هل لانها ماتفهمنيش او لانها ما تريد تنفذ الامر !!

بصراحة مقارنتها ببنت عمها تعبتني نفسيا.. مش مني .. بس من العائلة الكل يقارن ويركز عليها هل تكلمت او لا !! صار علي ضغط نفسي هل بنتي غبية ..؟؟ هل هذه اشارات غباء؟؟ وكيف ممكن اعال الامر واستدركه ان كان عندها علة في دماغها؟؟ مع العلم ان ابوها وامها اذكياء .. مش شكرانية بس فعلا نحن الثنين كنا شطار ومتفوقين من صغرنا!!

اقول هيك للي يمكن تعتبر قلة التركيز او الغباء وراثة !!
بصراحة احيانا تفاجئني بكلمات بدون ما انا اقوللها قولي كذا .. كذلك بتصرفات تعبر عن طريقة مميزة في تفكيرها بدون ما احنا نمل عليها !! مثلا القاها لوحدها بتاخذ مجموعة من الاشياء وتلمهم في سلة او تاخذ وشاح مني وتحاول تلبسه والقاها ناوية تطلع (الحجاب ارتبط في دماغها بالخروج برا وتعتقد انها لو لبسته يعني راح اطلعها برا !! هذا مثال ..

وفي الصلاة بتقلدنا .. بتسجد صح و تحرك في سبابتها على اساس تشهد وبتسلم بالزبط زينا يعني يمين وبعده يسار!!

بس الكلام ماعندها كلام صحيح .. بتحكي كثير الصراحة يعني مش من النوع الصامت بس كلام مش مفهوم كأنها تحكي صيني !! وعلى فكرة هي متأخرة جدا في التسنين يعني للان طلعلها بس القواطع العلوية و 3 قواطع سفلية والباقي يبان تحت اللثة لكن مش راضي يطلع!! هل لتأخر التسنين دور؟؟

بشروني بالله

في انتظار الرد فأنا قلقة على بنتي