هل هذه علامة تبويض تكفون بسرعه

حبيبتي تقصدين افرازات شفافه؟؟؟؟
اذا شفافه هاذي افرازات تبويض
وعشان تتأكدين روحي للدكتورة تتابع معك
أو اشتري جهاز التبويض...نفس جهاز تحليل الحمل المنزلي بالضبط

واتمنى البنات يفيدونك

وعليكم السلام ورحمة الله وبركاته---
اختي سمرقند77 ان شاء الله تكون علامة تبويض
لان دليلها نغزات شهر تكون باليمين وشهر تكون باليسار
واحيانا في الجهتين---
اما قشر البيضه الي نقولينه احنا محنا==== دجااااااااااااااااج ====آآآآآسفه
لان البويضه لاترى بالعين المجرده000صغيررره جدا
يمكن تكون افرازات0000وفكرتيها البويضه نزلت000
الله يرزقك اختي سمرقندبالذريه الصالحه في هذا الشهر الكريم

الله يسامحك ياقموره والله ضحكتيني انت فاهمه خطا عاد مو قشرة البيضه الصلبه فيه بنات يقولون انه الافرازات مثل زلال البيض عاد انا على بالي اوصل الوصف اكثر قلت قشرة البيضه الشفافه طبعا والا من جد صرنا دجاج على العموم شكرا لمرورك وللاخت رايحه في حالي

الله يجزيك كل الخير ياقمورة.......ماضحكت من أول رمضان قد ماضحكني تعليقك

سمرقند حبيبتي انا طبيبة نساء وولادة وصار لي سنة لليوم متزوجة ولا صار حمل مع ان فحوصاتي انا وزوجي كلها سليمة الحمد لله!!! الله كريم.......على راي المثل.....باب النجار........!!!!!!!!!
إذا تبغي تحددي موعد التبويض بشكل دقيق اكثر إن شاء الله سوي مثلي<<<<<عاد ادري وش بتقولين
كااااااااااااااااااااانت نفعت روحها<<<<<<<<<خخخخخخخخخخ
المهم حبيبتي تشتري ترمومتر زئبق وكل يوم أول ماتفتحي عيونك الصبح لا ثم لا ثم لا تتحركي من مكانك ولا حركة......تمدي يدك للكمدينو حيث بتكوني حاطة الترمومتر قريب منك وتتأكدين انه مصفر (تقرينه) وتحطيه تحت لسانك لمدة 3 دقايق بعدين تشوفي القرآءة وتسجليها عندك يعني مثلاً عندي يوم بتكون 36.4 ويوم 36.2 وبتلاحظي انه ايام الدورة تكون حرارتك اقل شي في الشهر
ويفظل انه يكون عندك ورقة تمليها مثل الرسم البياني
يعني درجات الحرارة على المحور الصادي وايام الدورة على المحور السيني<<<<<<<<خخخخخخخ
رياضيات
وتبدأي تسجلي حرارتك عليه من أول يوم في الدورة(على فكرة ممكن تلاقين الورقة هذي جاهزة ..... عندي منها كثير وياليت اقدر اوصل لك)
المهم حبيبتي بتلاحظي انه يوم التبويض مثلاً يوم 14 بتنزل حرارتك اكثر شي يعني في حالتي تنزل ل35.9 .......يكون هذا هو يوم التبويض وانخفاض الحرارة ناتج عن تحرر البويضة
بعدها بتبدا حرارتك كل يوم تزيد الين تتجاوز ال36.7 وهذا بسبب ارتفاع هرمون البروجسترون اللي له تأثيرات حرارية في الجسم وبتبدأ تنزل مرة ثانية قبل الدورة ب3 ايام هذا إذا ماحصل تلقيح(بترد لل36.4,36.5 وكل وحدة حسب حرارة جسمها) أما إذا حصل فتستمر بالطلوع
والله يرزقني وإياكم
وعلى فكرة قبل التبويض بيوم -يومين يتغير السائل المخاطي اللي يسد عنق الرحم ويمنع وصول الإلتهابات لداخل الرحم ويصير خفيف عشان يسمح للسائل المنوي بالدخول للرحم وهذا يفسر زيادة الإفرازات في ذيك الفترة والألم دليل طيب إذا تكرر معك كل شهر في حدود منتصف الدورة
وإن شاء الله اكون افدتك

شكرا دكتورتنا على المعلومات
ربنا يرزقك ويرزقنا الذريه الصالحه يارب