هل هذّي نهاية أيامنا الجميلة في عالم حواء؟ 🥺

خلاص المنتديات راحت ايامها الحلوة بسبب الإنستغرام والسناب والتيك توك خلاص مافي امل ترجع المنتديات زي ماكانت كل شي وله وقته ودوام الحال من المحال

خصوصا بعد التحديث اللي سووه صار كئييب اكثر واكثر ..
المنتدى الاول كان احلى بكثير 

صباح الخير NewMum 🌸لاتقولين كذا 😭😔 وسعي صدرك ليه ماتقولين هل هذي بداية أيامنا الجميلة مع المنتدى الجديد 👍🧡كلنا في البداية نحس أنو مارح نتعود أو نتأقلم عليه بس عشان له مكانه خاصه عندنا صار ودنا ونبي نتعود عليه إن شاء الله مع الأيام تبدين تحبينه ويعجبك 

من كنت صغيره اقره منشوراتكم واي شي احتاجه اكتب عالم حواء لان اثق فيكم وخاصه المنشورات الي قبل ٢٠١٦ هسه كبرت وانضميت الكم قبل كم شهر وجاي اشوف الكل حزين وديخرج هسه عرفت ليش ماكو منشورات حلوة بعد ٢٠١٩ و٢٠١٨ ...على كل شكرا الجن ساعدتني بفتره مراهقتي هواي💗

انا اشوف انه مهما كثرت وسائل التواصل من انستقرام و سناب و تويتر وووو بس اذا جد الجد واحتجتي اي شئ يخصكك كامرأة او انثى بترجعين للمنتديات لان لها خصوصيتها وما شاء الله لا قوة الا بالله الى الان شوفي عدد المتواجدين حالياً في اي وقت من اليوم تلاقين العدد لا يقل عن 11,000 عضوة واكثر ما شاء الله تبارك الله ، جزاهم الله خير كل من أضافت معلومة او مشورة او دعوة او حتى تخفيف عن اخت وقعت في مشكلة و ايضاً جزى الله القائمين على المنتدى .
الان لو احتجتي معلومات عن اي شئ يخص المرأة تسوين بحث تلاقين موسوعة من التجارب الشخصية لعضوات قديمات او جديدات انا اشوف انه مهما بلغت مواقع التواصل الاجتماعي تبقى المنتديات و المنتديات النسائية بالذات لابد من العودة لها .