هل هم غير عني ولا كيف

مساء الخير
ها الايام موسم زواجات الله يوفق الجميع بس مستغربه وحده خالتها توها متوفيه لها اسبوعين وسوت حفله زواج فخم وأهلها فرحانين بها انا استغربت صراحه وكمان وحده امها فيها المرض وابوها كمان وتزوجت في افخم قاعه ماشاء الله تبارك الله والعام الماضي وحده ابوها تعبان وبرضه مسويه زواج فخم وعازمين ناس واجد ها البنات أعمارهم صغيره الي ٢٠ والي ٢٢ والناس عادي ويشجعوهم وأولهم اهلي امي تقول من حقهم يفرحون انا ما قلت لا يتزوجون ولا لا يحطون زواج فخم انا وش دخلني فيهم بس الي باط كبدي اني قبل ما اتزوج انا تزوجت في عمر كبير ٣٨ والحمد لله جبت ولد وبنت لكن اتذكر حالي يوم كنت في عمر ٣٠ كان ابوي الله يرحمه عائش كان مريض بس كان يداوم ويصلي في المسجد ويروح ويجي يشكل طبيعي وكنت انخطب يوم اتصلو ناس امي قالت مو وقته ابوها تعبان ولا لنا خلق ومره خالت ابوي قالت ناس يبحثون على عروس ودي ارشح فلانه الي هي انا امي قلت الحين الله يشفي ابوها والزواج لاحقه يعني امي كانت تسكر الباب على مسراعيه وانا عمري ٣٠ مو صغيره وابوي ما كان طريح الفراش حتى كان يروح لم زواجات اقاربنا انا تكلمت انه لا تردون احد خصوصا ان عمري كبير خلو على الاقل نستقبل الناس يعني انا ما افكر بحفله ولويه ابي فقط ما يتسكر لي باب تخيلو الكل لاموني واني انانيه ومو هامني ابوي واني ميت قلبي وعاقه حتى اذكر كتبت سالفتي في احد المنتديات والكل هاجمني كيف افرح وابوي مريض المهم جلست كم سنه بدون ما احد يخطبني إلى أن وصلت عمر ٣٨ سنه وجاء زوجي هذا بس اهلي لا مبالات في موضوعي ابدا إلى أن واجهتهم انا مو صغيره قلت هل الرجال فيه شي قالو لا قلت اجل حركو موضوعي بس ابدا مو مهتمين بس قلت براحتكم لكن اخذ حقي يوم الدين انا ما اقول ليتني تزوجت قبل كذا لا والله بس مقهوره ليش ذاك الوقت الكل هاجمني وانا فقط اقول حركو موضوعي وكنت كبيره والان اشوف بنات صغار أشد من وضعي السابق والي كانو ينتقدون علي يصفقون لهم هل انا غير وهذا الجيل غير ودي افتح هذا الموضوع مع امي بس هونت ما ابي أضيق صدرها بس مستغربه من هذا المجتمع