ليبرا الرياض..
للاسف..ماهون الهيئة بعيون الناس إلا إنتي وأمثالك..
وإذا كنتي تكرهين لنفسك الظلم..والتدخل في نيتك ووصفك بأي صفة تكرهينها.فنحن نكره أن يُظلم رجال الهيئة وأن يُتدخل في نواياهم وأن يشكك فيها..
وإن كنتي خصيمة يوم القيامة للأخت دلع أو مسايا...فرجال الهيئة هم خصمائك يوم القيامة أمام الله..فأعدي للسؤال جواب..
وافهمي توقيعك جيدا..واعملي به
وأسأل الله أن يحفظ رجال الهيئة..وأن يقوي شوكتهم..ويجعلهم شوكه في عيون من يكرههم..اللهم ااامييييين

أم العفايف

دموعي دلع ما تدخلت في نيتي ...

وصفتني بليبراليه وقذفتني في ديني

والناس اللي تجمعت أمام الجنادريه غير عن رجال الهيئة إنتي ملخبطه بين الاثنين

نحن لا نتكلم عن رجال الهيئة ...
بس إنتي مو مركزه معانا ...

رجال الهيئة شهود معي يوم القيامه على من قذفتني في ديني أمام الله

مدري ليش اغلب بنات حواء فيهم شي من العدوانيه والتهجم

اولا قبل صدق العريفي والله ان سبق فعلا بدت تتتغير ودايما كذا الواحد يبدء انه حيادي ومع الحق او انه يعالج قضايا وووو واول مايبدء يكبر ويشتهر تتغير النظهر ويصير مايفرق عن السابقين له
لاحظت تصرفات سبق من قبل كلام العريفي وقلت لزوجي ان سبق تغيرت ماعادها مثل اول غير تزيف الحقائق والعنصريه والتسرع في نشر الاخبار ووووووو
اصلا لو كان في حياديه ماكان نزلو الردود الي تعجبهم وحذفو غيرها يخلو كل واحد يعبر عن رايه بحريه بدون اي تدخل منهم واخلاء مسوليتهم تجاه الردود


نرجع لكم يابنات حواء احب فيكم غيرتكم على دينكم واكررررررررررررررررررررررررررره فيكم اسلوبكم اختلفتم مع البنت كل واحد يعبر عن رايه باحترام بلاش اتهامات ودخول في النوايا وكل وحده تفسر بمزاجه وكلاب وقالفه هذا اكثر مثل حافظينه عضوات حواء قافله تسير وكلاب تنبح

اختلفتم في الراي مو معناه انها صارت عدو !!!!!!!!!!!!! ان لم تكن معي فانت ضدي ؟؟؟؟؟؟؟؟

اختلاف الرأي لايفسد للود قضيه

ارتقو شوي في التفكير
ارتقو في الحوار
ارتقو في الاسلوب
لان كل اناء بما فيه ينضح
شايفين ان البنت على غلط تكلمو معاه باسلوب حسن وناقشوه بدل الشد وتبادل التهم وتوصل للسب
ياانها تقنعكم او تقنعهوها مع انه الظاهر من الاسلوب هنا في عضوات حواء كل واحد يفرض رايه وعلى الطرف الثاني يتقبل وبس ؟؟؟!!!!!
وااله اشوف الردود اشك ان كاتبينها تجاوزو مرحلة الابتدائيه

للمعلوميه تراني سنيه مسلمه لاعلمانيه ولا ليبراليه <<<<< عشان لاتوصلني قذافكم وصواريخكم الارض جو

السلام عليكم ورحمة الله وبركاته ..
قرأت كلامكم ولي بعض الملاحظات عليها أتمنى تتقبلوها بصدر رحب ..
الأخت ذكرت الخبر الي ما تبي الفتنة تسكت ولا ترفعه .. أما تدافع بشيء لا يتقبل فمن حقنا أن ندافع أيضا ..
للمعلومية ما كنت ناوية ارد على الموضوع لكن لما قرات الردود لزم الرد ..!
الأخت ليبرا الرياض لي عليك ملاحظات ..كلامك جدا قاسي والغريب انك استنكرتي ممن قسا عليك !! لو انك فقط وجهتي وجهة نظرك وان فعلهم خطأ .. ما قلنا شي لكن تشكيكك في النوايا هو ما دفعني للكتابة !!
كلامك الذي ذكرتيه غير (كلام الشيخ بلال الفارس)
من وجوه :
1- اولا لو تلاحظين بمجرد ما قالوا للشباب انهم يقابلون المسئول ويرشحون اثنين منهم وافقوا
ولا عقدوا الوضع ولو انهم يحبون الشهرة – كما ذكرتي -لاصروا على الدخول .
2- انتي ظلمتي المشايخ بقولك انهم قابلوا المسئول وبلغوه باللي يبونه ومع كذا ما اقتنعوا يبون احد يطرد الي يرقصون وهذا خلاف ما ذكره الشيخ حيث ذكر ان اللواء ابلغه أن دوره تنفيذي فقط .!! يعني لهم الحق في مقابلة المسئول الاعلى ..؟؟
3- بعدين كيف تجرأين وتشكككين في نواياهم وتقولين اذا محتسبين وصادقين وهم مشايخ نشهد لهم بالفضل- اعرفي من هم ؟؟- وما ترضين احد يقول عنك أي كلام وما ندري من أنتي أصلا ؟؟ بنصدق كلامك وما راح نصدق نواياهم ...!!
4- بعدين وراك تحددين لهم وين يروحون وين ما يروحون ؟؟ وتبين يروحون للاسواق اما الجنادرية لا هذا حفل غنائي صخب وفيه تجمع .. بتنظيم وش دراك انهم ما يروحون للاسواق ؟؟ هم ما أخبروا الناس بالخبر الاعلام كبره لو راحوا للاسواق وش بيدريك ؟؟ واقري سيرتهم وانكارهم في معرض الكتاب وغيره ..!!
5- بعدين قولك ان الليرالين ومجموعة الي انسجنوا في الجنادرية نسختين متطابقتين للفتنة واهلها ما تلاحظين فيه تجني أيضا على هؤلاء العلماء . وفي موضوع ثاني تقولين انهم هم والزلفة زي بعض ؟؟ ليه رافعين ضغطك .
6- وتجين تقولين انا ابصر بنفسي وقدراتي وهم مب أبصر بانفسهم وقدراتهم بعد؟؟
7- وانتي تقولين افعالهم من شهدت عليهم ؟ طيب قولك ما شهد عليك أنك تكرهين الامر بالمعروف -وتعليقاتك في اكثر من موضوع .. وانك وانك والقول أصرح من الفعل .. لان الفعل قد يكون بغير قصد
8- وبعدين تتهمين الاخت انها ما حضرت وانها اعتمدت على مقاطع اليوتيوب وانتي هل شفتي وش سووا الهيئة عشان تتهمينهم ام اكتفيتي بما نقل في الاعلام ؟؟
مع ان مقاطع اليوتيوب صريحة وحقت هالسنة لاتحسبينا أغبياء وما نعرف ولا نشوف حق هالسنة والا السنة الي راحت نشوف ونعرف ناس راحوا ؟؟ يعني مب بس انتي الي شفتي ؟؟
9- بعدين وش دخلك يجون ينكرون ولا يتجمعون عند البوابات هم ما اصروا على الدخول ليه تجين وتعيدين على الموضوع وتقولين يروحون لأماكن ثانية بيجون هنا وبيجون لاماكن ثانية وش يمنع ؟؟؟
10-بعدين ما تخافين من الله -أول مرة قلت في نفسي زلة بس- تجين تقولين انهم ما انكروا لوجه الله ثانية وثالثة .. وتبين ما أحد يشكك فيك ؟؟!!
11-بعدين ليه تفكرين أنهم اغاروا على المكان اقراي كلام الشيخ واعرفي انهم تقبلوا الوضع بهدوء واقراي الصحف الي اعادت الخبر من جديد ..عشان تعرفين ؟؟
12-وبعدين عصبتي على دلع انها سمتك ليبرالية وانتي قبل تساوين المشايخ بالليرالين وتستنكرين غضبنا ؟؟
13-انا ما اصنفك ولا اقولك وش انتي الله اعلم بالسرائر .. بس تناقضين نفسك وتشككين في علماءنا ما نرضى ..!!
اخت ليبرا لو انك انكرتي بس وجودهم سكتنا لكن التشكيك ومساواتهم بغيرهم من ادعياء الباطل لا نرضاه ..!!
الاخت دارين ..
قولك ان الرقص ما في شي؟؟ غلط .. اقري وش حكم رقص المراة أمام الرجل؟؟ حكم رقص الرجال مع النساء ؟وش حكم الغنا اليس هذي امور نهى الله عنها ..
وبعدين تقولين العيب على الحرمة الي ترقص ما في شي اسمه العيب عليها اجل من عهد الرسول ليه شرع الامر بالمعروف ؟؟ كان قال الرسول كل عيبه على نفسه ؟؟
وبعدين ما ععمنا الجنادرية قلنا ان فيها منكرات وفيها اشياء زينه ما قالوا كلها فساد بس وجود منكر واحد يوجب الانكار وصحيح أن فيه هيئة وان شاء الله يقومون بالواجب
الاخت طفولة ..
كلامك صحيح عادي لو ما قاطعنا سبق بس كلام المشايخ وش استفدنا منه ؟؟
ان سبق رجعت اعتذرت ولو سكتنا ما صار كذا
تتوقعين انهم ما تضرروا ؟؟

اتمنى تتقبلوه بصدر رحب .. وكل ينتبه لما يقوله ..!!

حياك الله يا أخت جرحي بقلبي دفنته

بس كلامك مردود عليه خاصة انك ملاحظاتك متحيزه لجانب واحد وكان يفترض بك العداله في الحكم

ولاحظي ان كلامي كان قاسي لانه ردة فعل على الاتهامات والقذف اللي أصابني في ديني
وانتي ماترضين ان احد يقول انك منافقه وعدوه لله ورسوله لمجرد انك قلتي رأيك ان اللي تجمعوا عند الجنادريه غلطانين لان المسؤول اللي تقولين عليه انهم يدورونه مكانه في رئاسة الحرس الوطني وهي بعيده جداً عن المهرجان
وزياده انهم يكذبون علي ويقولون أني أمدح ال زلفه. ماخجلوا من العضوات اللي قرو الموضوع وشافوا مشاركتي فيه مامدحته ولا بكلمه بل سبيته .. والثانيه اخترعت لي اسم من عندها على طريقة اكملي الفراغ ليبرا.......ليه يالله افحمتيني ياشيخه وين اولمبياد الرياضيات عنك ...
وتهدد حتى العضوات اللي قيموا مشاركتها بالأحمر ناقص تاخذ عصا وتدور في المنتدى ...

من لا يحترم لا ينتظر مني احترامه أبدا وانا قويه كفايه أني أدافع عن نفسي من اي وحده تغلط ...

وكل وحده تلزم حدودها من الاخر