هل هناك علاج نهائي لحب الشباب في الامارات

مرحبا عيوني اعذريني على اللقافه بس حبيت افيدك انا مو من الامارت الحبيبه بس احسن علاج نهائي لحب الشباب في كل دول الخليج وكل اللي جربوه نفع معهم مهما كانت حالتهم شديده هو حبوب الرؤاكتين هذا العلاج الوحيد اللي صج نفع كل من استخدمه

والله أول مرة أسمع انه في حل نهائي لحب الشباب عندنا والله ومعلومة رهيبه :04:

يا ليت البنات يفيدونا..... :)

بس حبوب الركواتين ما أعرف شو اسمها... أحسها قوية على الواحد ما اعرف محتاج اشراف طبي دقيق أذكري السنة ربيعتي مدرسة كان تستخدم هالعلاج وطول فترة العلاج شفايفها رايحة فيها من التشقق ولا نفع معاها اي مرطب ولا العسل... واول ما وقفت العلاج شفايفها ردت شوي احسن... وبعد كتبوها تعهد ما تحمل بهالفترة لأن الجنين ممكن يتشوه لا قدر الله :)


دعواتكم واسمحيلي الغالية ما حبيت أخوفج بالفعل هالعلاج فعال وشال كل الحبوب منها بس فيه أثار بداية العلاج تعبت لكن عقب عادي.... :)

الصراحه أنا ما خليت لا حبوب و لا كريمات و لا تقشير ما سويته بس الشي الوحيد إللي نفعني كانت حبوب الرؤاكتين ،، استخدمتها 6 أشهر و الحمدالله 100000 مره إللي يشوفني الحين ما يصدق

فرق بين السما و الارض،، وجهي صافي مره،، سويت العلاج قبل سنه و الحمدالله

روحي أي مستشفى و تمي عالعلاج حبيبتي،، وايد بتستفيدين منه،، صدقيني

بس أول العلاج بتتعبين من الجفاف،، لازم دوم تستخدمين مرطبات و كريمات عشان الجفاف،، و الشفايف فازلين و بس،، أقوى مرطب،،

و لالالالالازم دكتوره تكون متابعه الموضوع و تسوليج فحص دم،، بعدين تعطيج الدوا،،
و لالازم ما تحملين خلال الفتره نفس ما قالي الاخت روح المسك،،
و الصيدليه ما يعطون حبوب الرؤاكتين بدون وصفه الدكتور


بس و الله يستاهل التعب عشانج بترتاحين بعدين،، أنا مجربته و ارتحت

عندي لكم علاج ممتاز لحب الشباب
الكمون
تحطينه مع ماء مغلي وتتركينه ساعة الى ان يبرد
تحركينه وبعدين تشربينه
كل يوم
وتشوفين النتيجة المذهلة بعد يومين