هل هناك فرق بين وحام الحمل بالبنت والولد؟

لاحول ولا قوة الا بالله

فيه ناس لحد الحين تصدق هالامورالمشكله ( يقولون) وكالة يقولون ( يتسذبون) 😅
يبون بس يبينون حبهم الشديد للولد دايم يطلعون البنت حتى حمله كرهه على كرهه


ياحبيلك لاتصدقينهم 😘

انا جبت بنت وولد بينهم سنه ونص
كلهم نفس الوحم
كلهم خفيفه بحملي فيهم
كلهم نفس اللي اشتهيت ونفس اللي كرهت لدرجة حسبت اني حامل ببنت ثانيه
اللهم لك الحمد ماعندي وحم فيهم
وحتى شكل بطني جاي قدام مالي جوانب حتى بحملي ببنتي كل من شافني
قال حملك خفيف حملك كله قدام مالك جوانب انتي حامل بولد ولا علمتهم انها بنت الا بعد الولاده
وبحملي بولدي قالوا ماندري عنك قبل قلنا طلع العكس


ببنتي كرهت الحلو احب الحامض والمالح وحار
بولدي برضو نفس بنتي
بس فيه شي اكرهه ببنتي وولدي الكور فلكس قبل الحمل احبه واكله بشهيه
اذا حملت اتقرف من شكله واسمه لازم اغبيه عن عيوني لاتطيح عليه تقلب كبدي
شي مستغربه منه
بس بعد الولاده ارجع اشتهيه واحبه

لكن بنتي جبتها طبيعي وولاده سهله من ربي
اما ولدي جبته قيصري لانه مقعدي
بس هالشي اللي فرق عندي

والحين حامل ونفس حملي الاثنين
والله يجيبها او يجيبه على خير وبسلامه وبصحه


لذا لاتسمعين لهم والله هالناس ماعندهم الا الهرج

اختي حملها بولدها كان تعب وشقى وكرهه هجت من زوجها ثلاث شهور وبولادتها طولت من العصر لحد مغرب من بكرا تطلق فيه
وببنتها ابد ماحست بشي وبولادتها جاها الطلق الطهر وولدت فيها اول المغرب

كل طفل وشقاه يتعب امه بحمله وبولادته وبتربيته
وبه طفل مريح امه بحمله وبولادته وبتربيته

انا سمعت ان وحام البنت أقوى من الولد

شوفي ياقلبي بالنسبه لي في حملي ببناتي كان وحامي حار واكتئاب وبكا وشي مو طبيعي كنت كارهه كل شي وحابه الحلى لدرجه ماتتخيليها لدرجة جاني سكر الحمل وبحملي ذا ماشاء الله خفيف ماحسيت فيه ولا جاني اصلا وحام غير كرهي للحلى وحبي للموالح وماطول ماشاء الله لاقوة الا بالله قالولي احتمال ولد ولكن هذا لا يجزم انه الولد موالح والبنت حلى بس يختلف من وحده للثانيه ومن حمله على الثانيه والله يتمم لك على خير وادعيلي ربنا يسهلي حملي هذي ثالث قيصريه والخوف مالي قلبي

والله قريبتي تموت بالوحم وتدخل المستشفى

وجابت ولدين

وقريبتي ماشاء الله ماجاه وحم أبد

وجابت بنت


يعني مو دليل

انا وحمي في بنتي شوي قوي ،،،

ومافيه شي محدد مره اشتهي حلا ومره موالح ،،