هل هناك مايعرف بالحظ؟"النحاسه","القراده"

هالموضوع يشغلني من زمااااااااااااااااااااااااااااااااااااااااااااااااااااااااااااااااااان

والله اني انسانه مؤمنه واخاف الله وأؤمن بالقضاء والقدر لكن من جد أحس نفسي منحوسه,
حظي زفت"بعيد عنكم",علي قرادة حظ ماهي على أحد"الله لايؤاخذنا بمانقول"

أنا بأحكي لكم كم موقف وانت احكموا::::

اولا:طوال فترة دراستي صدق متفوقه بس كل مشكله تيجي على راسي على سبيل المثال في الامتحانات
بالجامعه البنات يحذفون ومايجي اللي يحذفوه ومايذاكروه انا والله العظيم اول مره أحذف اقسم لكم كل اللي حذفته جانا هي كلها ثلاث اسئله مقالي جات كل اللي حذفته شفتم القراده:hahaha:

ثانيا:بعد التخرج أخواتي كلهم توظفوا رغم ان مستواهم عادي وانا متفوقه والاولى على الدفعه بس ماتوظفت الى الان"لكن انشاء الله ربي يرزقني في القريب العاجل":(

ثالثا:أخواتي تزوجوا واستقروا بالرياض كل وحده في بيتها ووظيفتها وعند اهلها أنا تزوجت وانحذفت بآخر الدنيا "غربه داخل الوطن" في مدينه تفتقر لكل مقومات الحياه.:09:

رابعا:الحمد لله الحمد لله الحمدلله اللهم لااعتراض اخواتي ماشاء الله عليهم عندهم عيال وانا اموووووووووووووووووووووووووووت واشوف عيالي بس ربي لسى ماكتب الله يرزقني تكفون يابنات ادعو لي والله ماابي شئ من الدنيا اللا ان ربي يحفظ لي زوجي ويرزقني بالعيال اللي تقر بهم عيني ولايحوجني لاخواني وزوجاتهم لان ابوي الله يرحمه متوفي وامي انتقلت للعيش مع اخوي الكبير وتعرفون قسوة ومرارة الحياه في بيت غير بيت ابوك بيت العز والكرامه والله ودي اصيح:06:

خامسا:قرادتي حتى بالجيران لما تغربت ماتوفقت بجارات سنعات تخيلوا لي اكثر من سنه مااعرف احد ولا ازور احد بالمدينه اللي انا فيها باختصار منقطعه عن العالم ولا عندي من اتكلم معاه وافضفض له تعرفون حاجتنا حنا معشر النساء للسواليف والوناسه والفرفشه....

سادسا:ادري اني طولت عليكم وعندي مواقف كثيره يطول شرحها عن رداة حظي.....
علشان كذا تكفوووووووووووووووووووووووووون بنات جاوبوني
هل هناك مايعرف بالحظ الشين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟