هل هو بخيل ؟

استخيري بامرك والله يدلك على الي فيه خير لك بإذن الله

انا اقول انفصلي احسن اذا هذا طموحك من الزواج شبكة ستايل وتشكولت فخم مهو عشانك عشان المسكين الي راح يتدبس بسطحيه الزواج اسره وعماره للارض واستقرار سماه الله الميثاق الغليظ اذا هذا تفكير لا تعليق

ما ادري ليه هالاسلوب !!

خليني اقولك ليش انا متخوفه من هالشي ..لاني عايشه مع اب بخيل

خليني اقولك موقف واحد بس

طلبت منه مبلغ قليل اقل من اربع ميه ابغى اشري لي دواء عطاني نظرات ما انساها وقالي انت لو معك الاف مانفع فيك وجلس يتافف

حارمه نفسي من اشياء كثييييير كله بس عشان مااطلبفلوس ويتكرر الموقف نفسه

تدرين قد ايش صعب الشعور لما تحسين انك ثقل ع ابوك

ما تتخيلين قد ايش اشيل هم اذا مرضت والله اجلس ابكي عند امي وقولها كيف بطلب منه يجيب لي ادويه لان ادويتي ما تصرف بالمستشفيات العامه

للمعلوميه حالته الماديه ممتازه جدا

لا تلوميني اذا قارنت حياتي باخواتي واخوي وقت خطبتهم وملكتهم لاني انسانه انطوائيه و عمري ماسالت عن حياه غيري فما اشوف غيرهم

خوفي الوحيد ان اطفالي يعيشو اللي عشته

ع العموم شكرا ع المرور ..تنميت اكلمك ع الخاص بس مشاراكاتي قليله

شيلي الوسواس من راسك ولا تقارنين بينك وبين خواتك ابداً خذيها نصيحه لعمرك كله اذا تبين زواجك ينجح ابعدي المقارنات


والبخيل صعب تعرفينه وتكتشفينه الا بعد ماتعاشرينه تلقينه على الناس احيانا كريم وعلى بيته بخيل حتى الخبز والاكل مايجيب الا بطلوع الروح ويتمنن عليهم ويحسب اكلهم وشربهم وحتى لبسهم يتقطع مايشتري لان فلوسه عزيزه عليه


وابوك يمكن مو بخيل بس فيه تطنيش ويعتبر طلباتك مو ضروريه وفي ازواج واباء كثير كذا يعتبرون طلبات البنت مو ضروريه وانها تتدلع
لا تحسبين اي شي نطلبه من اهالينا يقولون سمي حاضر وطلباتنا اوامر مع ان الله رازقهم


وبالنسبه لخطيبك يمكن حالته الماديه على قده ليش يتفشخر على الفاضي
وكثر الله خيره ارسل لك هديه وكلف على نفسه بدال ماتشكرينه صرتي تهوجسين انه بخيل الله يعينه عليك لما يتزوجك نظرتك له بتكون ماديه اذا اعطاك ترضين واذا مااعطى بتقولين بخيل
صححي تفكيرك وادخلي حياة زوجيه لا تقيسينها على حياتك قبل تتزوجين

وترى بعض الشباب مايعرفون شي عن فترة الخطوبه وايش اللي ممكن يسويه التمسي له العذر


الله يشرح صدرك وييسر امرك ويوفقك

شوفي اغلب الشباب يستشرو اخواتهم في الحاجات ديه
يمكن مايعرف
يمكن ماعنده ذوق
مو شرط بخيل
يمكن اقتصادي