هل هو طبيعي اللي امر فيه الحين ؟

السلام عليكم ورحمة الله و بركاته

كيفكم يا حوائيات

انا بدخل بالموضوع لاني محتاجه احكي لي احد

انا تزوجت صار لي شهر للحين لسى عروس
انا امي متوفيه الله يسكنها فسيح جناته ما عندي خوات بس اخو واحد

ما لقيت اللي اشكي له ف اتمنى تساعدوني


انا مرة مرة مرة اعاني من الخجل
مرة خجوووله وربي ما تتصورون كيف
من كنت صغيره انا كذا اعاني من الخجل الاجتماعي
لدرجه اني ما احب اروح لعزايم او اي شي ولو رحت الكل يسالني مين نسوني ما الومهم
احس برجفه و نفسيتي تتعب و صوتي يرجف و احيانا ابكي
لما كبرت شوي دخلت الثنوي ابوي وداني لاخصائيه اجتماعيه
تعالجت
حسيت بتحسن كبير و الكل لاحظ اني قمت اختلط بالناس و اطلع , و بهذا الوقت الي تحسنت فيه انخطبت

طبعا ابوي من جاب لي طاري احد خطبني صرت زي الهبلا خفت
مع العلم اني مو صغيره متخرجه و دارسه و فاهمه الحياه
لكن شي فطري فيني

لما جات الشوفه طبعا انا ما كنت ابي, بس ابوي قال لازم تشوفينه و تحكين معاه
دخلت طبعا زي الطفله ماسكه ايد ابوي
جلست بعيد عنه و لما طلع ابوي من المجلس خلاني لحالي معاه بدت الحاله تجيني
وجهي صار زي لون الطماطم :icon33:
و ارجججججججف كاني بزفتي مو بشوفتي
حكاني و لما ارد عليه يضحك يقول والله ما راح اكلك
لان صوتي مبينه عليه الرجفه
انا قلت في نفسي ان كل البنات في شوفتهم يصير كذا معاهم اهون على نفسي
ما حكيت بس يسالني واجاوب بس
طلعت من المجلس وجلست ابكي في غرفتي زي الطفله
جاني ابوي قال اذا ما تبينه براحتك و حكاني لين هديت
الولد قال انتظر ردها
انا كل هالوقت مادري ما عندي احد يرشدني ويدلني
ابوي واخوي معاي بس مافي زي الام او الاخت
استخرت
ووافقت
يوم الملكه صار لي زي الشوفه كذا بسس ارجف و قلبي يدق بسرعه و خايفه من كل شي
نفس الشي هونت على نفسي بنفسي
لاني رافضه فكرة ان الخجل الاجتماعي اللي من الصغر معاي يرجع لي

المهم تملكت و بديت احضر لزواجي بإعتماد تام على نفسي
تيسرت اموري و تزوجت
طبعا يوم الزواج جتني حاله هستيريه من الخوف و خوفت الرجال معاي
قالي اذا تبين اوديك لابوك ما عندي مانع بس تهدين والله ما بسوي فيك شي
لكن من الخوف قلت لا لا عادي
المصورة في يوم الزواج تقولي امسكي ايده سوي كذا سوي اي شي بس ارفض ارفض
قالت لي بالصور كاانو اخوكي مو زوجك
ضحكت و هو قال اخيراااا
حسيت انه محروم

المهم انا يا بنات لللللحييييييييييييييييييييييييين بعد شششهر ما تغييييييرت
وربي احسه كرهني
اذا طلعنا مسك اييدي اتركه
جلس جنبي ابعد عنه
اذا رحنا لاهله تجيني حاله الله لا يوريكم
استحي منه ومن اهله ومن كل الناس كلهم
قبل فتره قصيرة جاني وجلس معي قالي انو ليه كذا انا زوجك ليه تخافين مني احنا صار لنا شهر
ولسى ما تعودتي علي
قلت لا عادي
قال والله ما عمري شفت بنت زي كذا ابتسمت و ضحك هوا , قبل ما يطلع قالي انا معاك لو بغيتي شي , بخليك على راحتك لين تتعودي علي
يحاول قد ما يقدر انه يكسر الحواجز اللي بينا بس مافي فايده عشان كذا قالي بخليك على راحتك
خفت من كلمته بخليك على راحتك مادري ليش

اسسسسسسسسسسسسسسسسسستحي والله العظيم اسسستحي تعبت احاول اتجرأ لكن مافي فايده
تعبت من الخجل اللي انا فيه اخاف يدور غيري :44:


ادري طولت بالحكي لكن لا تلوموني مكبوته

ساعدوني :44: