هل هي عين ؟

السلام عليكم

اهلا حوائيات

جيتكم اكتب مشكلتي

عمري 23 وزوجي عمره قريب مني

انا قبل سنة تملكت وملكتي طولت حول 8 شهور

وطبعا كان فيه شوفة شرعية

وكان فترة الملكة يزورني

المهم تزوجنا وسافرت اسبوع ومن رجعت زوجي سحب علي ارسل وادق مطنش وكلمه ابوي وقال مدري وش صار لي احس اني تعبان وفيني ضيقة ولا بنتكم ماشفت منها شي المهم قال اني رحت لشيخ ومر اسبوع وعزمه ابوي ورجع الوضع عادي

وسافرت معه لان دوامه في مدينة ثانية

كان متحمس وقعدنا نقضي للبيت ويقول اني فرحان انك معي جاية

وكان لطيف وعادي بس من اول الايام كان يطلع الليل ومايرجع الا 2 او 1

وزعلت منه وهاوشني قال مو انتي اللي تتحكمين فيني

صرت خلاص مااقول له شي

واول الايام هو اللي يناديني للفراش ومره هاوشني يقول حسسيني انك راغبة فيني

المهم آخر الايام صار مايقربني وانا اللي صرت اتقرب منه

وكذا مره كنت اكشخ ويسحب علي

وكنت لاقربت منه في السرير قال ابعدي عني

ومره قال لي ترى الحياة مو كلها جنس مره في الاسبوع تكفي

حسباله ان هالموضوع اكبر همي

بعد كلامه صرت لارجع من دوامه ماألحقه للغرفة

واقعد عند التلفزيون وهو اللي يناداني

وكان يحب اسويله مساج وانا ماقصرت

وكان بس يبيني اهتم في البيت ونظافته ويهاوش على اشياء تافهة

المهم اني بعد شهر رحت لأهلي ورجع لحركته بعد شهر العسل صار مايكلمني وارسل عالواتس يطنش

كلمته مره وقال شي نفسي فيني واني شسوي مبعد تقبلتك اصبري علي وبقرى عند مشايخ

وانه من بعد شهر العسل واني لما كنا هناك سوا كنت اضغط على نفسي في كل شي

قلت ليش ماقلت لاهلي قال صعبة اخليك وانتي توك متزوجة

المهم بعد فترة ارسل اني حاولت ومابي اظلمك معي ونفترق

بس ودي اعرف هل فيه آثار عين ؟

انا عشت معه شهر ومالاحظت شي واضح مره

وحتى العلاقة الجنسية كان مستطيع

كنت احسه متقلب مره يكون حبيب مره ومره نفسيته مو تمام

وكان دايم يتعذر بدوامه

لدرجة اني اذا طلبت منه نطلع ماطلعني

مرتين طلبت منه وكأني ماقلت شي يرجع ولا يفكر يقول مشينا نطلع

يعني احس لو فيه شي ماتحملني اسبوع

وانا ماقصرت معه بشي يمكن كنت خجولة شوي

طبعا ماقد مدحني في شكلي

بس ماادري شاللي قلبه وغيَّره

انا الحمد لله مو هامني يعني كل فترتي معه ماشفت شي اتحسف عليه

يعني معقول كل هالفترة يغصب نفسه

يعني هو شايفني ومحد غصبه عالزواج



ودي اكتب كل شي