هل هي قسوة او فقدان حنان ...؟؟؟؟ مااا عرفت

السلام عليكم


عساكم طيبات

ابغى اسألكم يا امهاات..... هل فيه احد زيي ,,,؟؟؟

او احد يعرف تفسير لحالتي ياليت تقول لي بس بدون ما تجرح الله يعافيكم



انا عندي بنتين ... اعمارهم 8 سنوات و5 سنوات ........

ما ادري وش فيني ما اتحمل منهم كلمة ولا حركة دااايما معصبة عليهم:44:

احيان افكر فيهم واحزن عليهم بس مو قادرة اغير طبعي ولا احس بحنان لهم


ادري انكم بتعصبون علي انه حرام وليش ونه فيه ناس تتمنى العيال مو لاقيتهم

عارفه كل شي

لما انام افكر فيهم واحيان ابكي واقوول بكرة ما راح اخليهم ولا اجلس على نت والعبهم

لما اصحى اغصب نفسي ابوسهم واحيان لا ما اقدر

واكون هاديه ولما يطلبون طلبات ويسوون ازعاج انسى كل افكاري وانا نايمة واعصب واهاوش

حتى هم يقولون انتي ما تحبينا بس تصارخين

احزن واحاول اكتم نفسي ..... واقدر امسك نفسي بس ما اصير اكلمهم

يبوني احكي لهم قصص مالي خلق

يبوني العب ماااالي نفس

يبوني ارسم لهم والون لهم مااا اقدر

احس بضيييييق ومو قادرة اسوي شي

اتمنى الساعه اللي ينامون فيها واقعد لحالي

يوووووه احس بألم عليهم اذا نامواا اقوول ناموا وانا ماسويت لهم شي

حتى ما صاروا يشتاقون لي بس يحبون ابوهم لانه يلعبهم ولما اكون جالسه ما يقربون لي واول ما يجي ابوهم القاهم مبسوطاااات

ما ادري هل فيني شي وما ادري عنه؟؟

احد مثلي؟؟

احد عنده حل او افكار لا يبخل علي؟؟


انتظركم