هل وزنك مثالي ؟؟؟؟أنتي من سيكشف ذلك

هلا عزيزاتي:
هذي أول مشاركة لي في هذا القسم وأتمنى إني أفيدكم ...وموضوعي عن تحديد وضعج التغذوي..هل أنتي سمينة أم وزنج طبيعي أم هناك كم كيلو زيادة..إلخ .بدون الذهاب لأخصائي ...دائماً سويه بروحج في البيت سهل ومفيد.. وياريت أنج تروحين تجيبين ألة حاسبة علشان تبدين تحسبين
يعتمد الخبراء 3 مؤشرات لتحديد الوزن المثالي وهي:
1- مؤشر كتلة الجسم:
وهو نسبة الوزن بالكيلوجرام إلى الطول بالمتر تربيع..يعني توزنين وبعدين تقيسين طولج ..نفرض وزنج 55 كجم وطولج مثلاً 160 سم تقسمينه على 100 لكي يكون بالمتر وتسوين تربيع يالله نجرب: 160÷ 100=1.6
1.6تربيع=2.56
مؤشر كتلة الجسم= الوزن( 55 )÷ 2.56=21.4
هذا الرقم تروحين تشوفين مكانه في الجدول التالي:
نحيل 18.5 أو أقل
سليم 18.5-24.9
وزن مفرط 25-29.9
سمين معتدل 30-34.9
سمين وسط 35-39.9
سمين مفرط 40 أو أعلى
المثال اللي عندنا 21.4 يقع في نطاق كتلة الجسم السليمة اللي هي 18.5-24.9 يعني الشخص في النطاق الطبيعي

2- محيط الخصر....للحديث بقية