هل وضعي طبيعي

وسبحان الله في الفتره الي يسافر فيها يتعبون عيالي تجيهم حراره واتعب معاهم
واوديهم المستشفى اذا اضطر الامر يعني مره حوسه
بس وش اسوي مقدر اتهاوش معه كل ماجاه انتداب

وعليكم السلام ورحمة الله وبركاته
لا يا بنتي مو غلطانة
والاهل ما كان لازم يتدخلون ويعكرون عليكم صفو حياتكم
انتي وزوجك تتفاهمون مع بعض ولا تخلين احد يتدخل بحياتكم

اهلك لاتعلمينهم بشي لو يسافر شهر مالهم شغل
وثاني شي هم مااستقبلوك ولا يبون صوت عيالك وانتي احترمتي رغبتهم المفروض هم يحترمون حياتك ولا يتدخلون فيها
ثالث شي ترى مافيها شي اذا الحرمه صارت قويه واعتمدت على نفسها في غياب زوجها
الزوج لاسمح الله ممكن مايدوم طول العمر فلازم الحرمه اوقات معينه تقوم بنفسها وبعيالها
وباالنسبه يتسلف منك لو ماشافك كفو وقريبه منه ماكان تسلف منك
على مرتين في السنه اجل كيف وضع المتغربين سنين وشهور ولا اشتكوا لانه هذا رزق

صح عليك
انا ماعلمتهم اشكي
بس هم يسالوني ايش سويت اليوم واعلمهم من باب السواليف بس في الاخير قالو انه لاعب عليك وماراح يلقى زيك قايمه بكل شي وكيف يروح ويخلي عياله وهل انتي متاكده انه رايح انتداب حتى شككوني فيه بس الحمد لله صادف انه ارسلي صوره وتاكدت منها انها رحلة عمل …
طمنتوني صراحه صرت اوسوس واحس انه لاعب علي ومخلي كل شي فوق راسي وانه المفروض يرفض الانتداب وانه ظالمني هههه
مه العلم اني والده قيصري السنه الي فاتت واهلي رفضو يستقبلوني عندهم لان شغالتي وقتها مابعد جت وقالو صعبه كيف تجينا وماعندك شغاله وعندك طفلين وشغالتنا مهيب فاضيه يكفي عليها بيتنا وقتها ضاق صدري وجلست ابكي في الاربعين وجلست في بيتي ..

ايوه وضعك طبيعي
انا اغلب حياتي انا اتصرف
وهو موجود
بس يكون تعبان نايم ولا يرضى يقوم فأتصرف انا عادي ترا الحياة مشاركة والحياة أخذ وعطاء مافيها شي ترا ... وترا الاهل اغلب نصائحهم تكون مو في مصلحتنا لو سمعنا لكل نصائحهم خربت بيوتنا وعلاقتنا مع ازواجنا فأنتي خذي وخلي من كلام الاهل .. ولا تتشكين عليهم كثير عشان ما تسمعين كلام زي كذا وتبدين تفكرين انه صح وهو غير صحيح لان الحياة مشاركه ومافيها شي الزوجه تتحمل وقت عمل زوجها او وقت انتدابه او وقت يكون تعبان مرهق مايقدر يقوم فهي تتصرف مثلا تدق على بقاله او تطلع تودي عيالها مع تطبيق توصيل عادي مافيها شي لان الزوج آدمي تراه يتعب ينشغل يسافر ... وعلى قولتهم الغايب عذره معه.. بعدين الانتداب اللي اعرفه انه كويس له يعني يزيد راتبه او يزيد مرتبته في العمل بالعكس شجعيه يطور من نفسه ويقبل الانتداب .. والفلوس طالما متاكده انه بيرجعها عادي حولي بس اذا شكيتي ماراح يقدر يرجعها اعتذري عن التحويل .. والله يسخر لك ..