هل وضعي طبيعي يا بنات ؟

بنات الله يسعدكم احتاج نصائحكم لأني احس الدنيا صارت سوداء في عيني 😔

انا متزوجه وعندي ولد وحامل بالرابع ، من قبل الزواج كنت من النوع القلق واوسوس بزياده وزاد هالشيء بعد الزواج وبعد ما جبت ولدي يعني كل شيء اوسوس منه واخاف زي الحوادث والأمراض وغيرها
المهم لمّا حملت حملي الثاني كان وحامي صعب جدًا غثيان وترجيع وكرهت كل شيء بيتي وزوجي ورحت بيت اهلي فتره مؤقته
اثناء هالفتره اختي الي اصغر مني علمتنا عن حملها وهو اول حمل لها وانبسطنا مره وانا بالذات فرحت لأن بيني وبينها شهر ونصف تقريبًا ، بعد فتره بسيطه اختي كلمتنا تبكي تقول الحمل صار خارج الرحم وبيشيلون الأنبوب 💔💔 وفعلًا سوت العمليه الله يعوضها خير يارب
بعد الي صار مع اختي انا خلاص نفسيتي تعبت مره وحتى حملي كرهته وما صرت متحمسه للبيبي ولا حتى اعرف جنس الجنين ما اقدر افرح واختي متضايقه 😔 وصرت طول اليوم بس افكر فيها وحتى إذا نمت تكون نومتي احلام وافكار حزينه ، وصرت خايفه على اختي يتكرر معها الموضوع في الانبوب الثاني خصوصًا توها صغيره وما عندها اطفال
اول مره احس بشعور الخوف على احد قريب مني
يومي صار خمول وكسل وتفكير واهملت كل شيء وكل ما حاولت انبسط في شيء قلبي ما يطاوعني مع اني قدام اختي امثل اني قويه واقول لها بتحملين قريب لا تخافين بس مع نفسي العكس تمامًا

هل وضعي طبيعي يا بنات فقدت المتعه بكل شيء
انصحوني تكفون ما قد فضفضت لأحد حتى زوجي مو مستوعب الي امر فيه واحس نفسي مخنوقه