هل وضع بنتي طبيعي

كل عام وانتم بخير...
بدخل في الموضع ع طول...بنتي عمرها 6 سنوات..صار لها يمكن شهرين تصرفاتها غريبه
صارت كل شوي تقولي وتقول ل ابوها انتو ماتحبوني انتو تحبون ..حمود ..تقصد اخوها..صايره حساسه مررره تراقب معاملتنا مع اخوها وتربط بينها وبين اشياء هي سوتها وتقول ليش ماتسون لي زي حمود..زي مثلا،لما يطيح اخوها واشيله تقول ليش لما انا طحت ماشلتيني ...مع اني لا انا ولا ابوها مقصرين معها اذ طاحت نشيلها ونحضنها ..زي مانسوي ل اخوها نسوي لها..وهي مدلعينها شوي اكثر من اخوها ماتطلب شي الا ونعطيها وين ماتبغى نوديها يعني مانقصر معها ابد..وهي الحين برمضان تشوف مسلسل اسمه جود تتابع معي وفيه ممثله اسمها سلوى من تشوفها بنتي تقولي ماما هذي زيك ماتحب بنتها
هي من تقولي كذا اقولها لا ماما انا احبك لاتقولين كذا مره ثانيه
البنت صايره مو طبيعيه ابد حساسه لدرجه تخوف
في اول رمضان دخلت معي المطبخ وجلست تلعب ونحرقت يدها حرق بسيط جلست تبكي اخذتها وحضنتها وقالت ابغى مويه بارده احطها ع يدي اعطيتها مويه جلست يدها في المويه لين العشاء بعدها جلست تعلب بالمويه وتكبها ع الارض عصبت عليها وشلت المويه بكت يمكن نص ساعه وسكتت
اليوم اخوها انكب عليه حليب واحترق اخذته وحضنته وهي جالسه تطالع فيه بعد ماسكت اخوها قالت ليش يوم انا احترقت ماسويتي معي كذا..قلت لا ماما انا حضنتك وشلتك زي اخوك..قالت خلاص لو احترقت مره ثانيه سوي معي زي ماسويتي مع حمود..
بعدها بشوي قامت تلعب وطاحت ..كان شكله الطيحه يضحك..ضحكت عليها بس قمت وحضنتها ..ولما سكتت قالت انتي ماتحبيني لو كان حمود الي طاح ماكان ضحكتي..
والله عيني ماذقت نوم خايفه عليها. مدري ليش تسوي كذا..مع اني اعامل اخوها نفس معاملتها ماافرق بينهم.... وهي تحب اخوها وعلاقتهم في بعض كويسه..مافي غيره بينهم ابد...واحيان اعصب ع اخوها زي ما اعصب عليها يعني تربيتهم نفس شي ما افرق بينهم..
هي لما كان عمرها 3 سوات انا مريت بتعب نفسي وكنت اقسى عليها شوي اخاف انها تاثرت نفسيتها
ريحوني ياامهات هل وضع بنتي طبيعي او فيه شي