kitkiat :

بسم الله الرحمن الرحيم!! ايش فيه ولدك؟؟ ولا شي يا اختي .. كل الاطفال كدة .. وطبعاً ما يقرف لأنه لسة ما يعرف .. كان دايما لابس حفاظة وما عمره شاف الشي دا وبالتالي انتي عمرك ما قلتيله "يعععع .. قرف.. ككا" او زي كدة من فين تبغينه يعرف ويتعلم؟؟ حبيبتي ولدك جا الدنيا ومخه ابيض مافيه شي واذا ما علمتيه كل شي لا تلومينه .. هو من فين بيتعلم ويعرف الدنيا غير منك؟؟ معناتها انتي مقصرة معاه افتحي اليوتيوب ودوري كيف الامهات يعلموا اطفالهم .. كدة انا سويت.. لقيت وحدة في صفحة الياهو الرئيسية عندها مقاطع تعلمك كيف تتعاملي مع طفلك وكيف تعلميه الكلام انا ولدي كان كدة زي ولد ما يتكلم ولا يركز ... ولما دورت وقريت .. اكتشفت اني انا السبب.. ما كنت اتكلم معاه وهو صغير.. كنت احسب انه مارح يفهم والمفروض انه من عمره شهور اتكلم معاه كثير واقوله على اسامي الاشياء واقول جمل كاملة صرت اذا جبت كتيب السوبرماركات.. زي بن داوود مثلا اقوم اقص على صور الفواكه والخضار والتلفزيون والجوال واي شي موجود واجي اوريه الصور"كأنها بطاقات" واقوله شوف الموية .. شوف حبيبي هذي مناديل.. وكل يوم نفس الصور واحيانا اروح اجيبله شي واقعي .. مثلا وريته صورة ليمون اقوم اجيبله ليمونة.. واحيانا ارسمله ليمونة واذا جات في التلفزيون اوريه اياها واقول بحماس "ليموووونة" وهكذا مع باقي الاشياء"طبعاً جا كله وعمره سنتين" وفعلا بدأ يتعلم ويتكلم ويقولولك دايما في النصايح لتعليم الكلام.. علميه ايش المفروض يقوله في موقف معين مثلا لما يجي يمسك يدك ويسحبك للمطبخ .. قوليله انت "جعان" .. تبغى اكل.. تبغى تاكل؟ ايش تبغى تاكل؟ اعطيك جبنة؟ او حسب الشي اللي بتقدميه .. وكذا كم يوم ورح يتعلم يقولك جيعان.. ولما تعرفيه يبغى يشرب اسأليه "انت عطشان؟؟ تبغى موية؟ اجيبلك عصير ولا حليب؟ واشري على الاشياء علشان يفهم ايش هي.. ايش العصير وايش الموية وايش الحليب واحذري من الكلام اللي ماهو مفهوم.. يعني لو قالك ابي .. قوليله "ربي" يعني عدليله كلامه دايماً .. واذا غلط في التأنيث والتذكير برضو عدليله كلامه.. وان شاء الله مع المتابعة كل يوم رح يتكلم وادعي دايما ربنا يحل عقدة لسانه لكن طالما كلامه مرررررة قليل معناها التقصير من عندك .. معناها هو بيتلقى قليل جدا جدا منك وانك ما بتقعدي معاه ولا بتكلميه انا كمان كنت احسب انه رح يتعلم الكلام من كلامي مع ابوه لكن طلع لازم القنه تلقين مباشر ولازم نتعب معاهم ونكلمهم كثيييييييييييييير علشان يتعلموا الله يوفقك ويوفقني وذريتنا والمسلمين

بسم الله الرحمن الرحيم!! ايش فيه ولدك؟؟ ولا شي يا اختي .. كل الاطفال كدة .. وطبعاً ما يقرف لأنه...