هل ولدي طبيعي ؟؟ ارجوكم ردوا علي

السلام عليكم ورحمة الله

مشكلتي يا أخوات ان ولدي عمره سنه وشهرين وهو جالس في الارض( مكانك سر) لا يحبي مثل الاطفال ,,, ولا يمشي ,, حتى ما يستخدم ايدنه ويتسند ويرفع نفسه
انا اللي اشيله واحطه الى الآن !!!!!!

واللي قاهرني أكثر انه حتى الاسنان ماطلعتله ,, مو معايه حق اقلق عليه

فيه اطفال اصغر منه بكثير وطلعت اسنانهم ومشو وولدي لسا
حتى احزن عليه لما نجتمع والاطفال من حوله يحبون ويمشون وهو يفرفر يبغى يروح عندهم
وهو مو قادر بس يطالع فيني وديني عندهم

بالنسبه للاطباء صرفوله حديد وفيتامين د ويقولون عادي ,,, بس انا ما قد شفت زي حالة ولدي لان فيه اطفال نموهم ضعيف من الولاده لكن طلعت اسنانهم بدري وحبو وولدي الحمد لله صحته زينه من الولاده

انا صراحه قدام الناس اتظاهر انه ما يهمني واقول اني مرتاحه انه ما حبا ولامشى وانا في داخلي مقهوره على ولدي ودايما اشوف علامات التعجب على وجيه الناس لما اقولهم على عمره وهو لا مشى ولا حبا ولا طلعت اسنانه

معليش طولت عليكم لكن والله ودي افضفض اللي جوتي ,,, لذلك ابغى رأيكم بصراحه
وما ابغى عبارات التطمين ,,, فقط اريد حلا وهل ولدي طبيعي

وجزاكم الله خيرا