هل ولدي طبيعي والا يحتاج للمساعده

عندي ولد عمر ثلاث سنوات وسبع شهور مايتكلم زين بس كلمات كثيره زي "ماما اعطيني مويا .تعالي حمام .والبعض الاخر كلمات فقط بدون جمل
مايهتم باللعب مع الاطفال اذا عجبه الجو لعب واذا لا ياخذ الجوال والا يتفرج على التلفزيون حتى مع اخته نفس الاسلوب مع الناس الثانيه كلامه مو مفهوم ولايتخاطب مع احد غيري اذا كان يبغى شي بس احاول اكلمه مايطالع بعيوني شوي ويحرف نظره عن وجهي والمشكله الكبرى الحمام حاولت فيه يتعلم لي الان 4 شهور :icon36:وللاسف مايسوي الا هو واقف يرفض يجلس عالنونيه والشي الصغير يتعلمه اما الكبير ابدا رافض الا بالحفاظه واقف كمان ولايعلمني الا بعد ماينتهي :44: وبصراحه بديت اخاف احسه مايفهم بسرعه واحيان اقول لا ماشاء الله ذكي لما اشوفه ماسك الجوال ويلعب بالالعاب وترى انا بحط العاب تعليميه وصار يردد كلمات انجليزيه وحافظ الحروف العربيه والانجليزيه كامله والعد بالعربي والانجليزي
بس الناس عقدوني مايفهم كلامه مو واضح حتى اصبح الان بيعلقوا على طريقه بالكلام يالفلبيني عشان كلامه مكسر
فهل ولدي طبيعي والا يحتاج اراجع فيه علما ان اخته اكبر منه عمرها خمسه سنوات وشوي وماشاء الله ذكيه وفصيحه لسان والكل بيقول كلامها اكبر من عمرها قد ماهي طليقه لسان واجتماعيه ماشاء الله
فياليت تريحوني